Can Bank：政府派錢誰最受惠？
■陳茂波最終決定都係派錢。資料圖片
散子之前寫過一篇，估財爺陳茂波唔會派錢，結果波叔都係決定派。今次派錢同上次前財爺曾俊華派錢，有啲唔同，今次波叔方案係有條件地派，而且條件仲有啲複雜，最複雜嘅係發放差額。
政務司司長張建宗就話，申領程序向
簡易，「喺表格剔剔剔」就得，預計行政費幾個百分點，預計派110億，即係行政費最少都幾億。咁係代表多定少，真係見人見智。
反而係張建宗嗰句「剔剔剔」令到筆者有懷疑，既然成個玩法係有差額發放嘅，如何可以「剔剔剔」就搞掂？
根據今次條件，似乎大學生拎曬4,000元嘅機會最大，如何善用4,000元？與其話善用，不如講嚇大學生會點用，上次派錢6,000元，撞啱蘋果出新機，相信唔少流入蘋果個account。
今次派錢確實日期未定，好難計邊個最受惠，4,000元又買唔到新款電話，散子身邊唔少受惠嘅人士，都異口同聲話會拎去旅行，所以最受惠嘅相信會係航空公司。
散子
散子
Can Bank - 散子 舊文
來源 source: http://hk.finance.appledaily.com