中環在線：
陳智思未食過「懶肉買線」
■身為降鹽糖會主席嘅陳智思，呼籲大家食「買線」時勿飲湯。晉平安攝
公職多多嘅行政會議召集人陳智思（Bernard），最近做埋香港故宮文化博物館董事局主席，不過佢噚日出席花旗傑出財經新聞獎頒獎禮時，竟然自爆之前未去過北京故宮！
為公職遊故宮惡補
話說唔少香港人都去過北京旅遊或出差，故宮可以話係必去嘅景點，但Bernard話做呢個職位前從來未入過故宮，只係喺外面行過嚇，所以今年初特登去惡補，「故宮好多藏品原來喺室外，兩日行咗4小時，凍到我呢……」
然後Bernard又借啲意讚嚇馬會董事兼恒隆地產行政總裁陳南祿（Philip），話香港故宮博物館多得馬會捐錢，有咗硬件，將來要培育多啲人才咁話。
講起Bernard嘅公職，不得不提嘅，係佢係降低食物中鹽和糖委員會主席，港人近年流行食「勿演懶肉實小勒買線」，佢竟然又未食過，唔夠貼地喎！
不過咁，佢都識呼籲大家唔好飲湯，只係食米線；而嚟緊年底降鹽糖會將推出4個標籤，包括冇鹽、冇糖、少鹽、少糖，餐廳係自願形式參與，究竟成效有幾高呢，呢個係一個謎。
咁不如索性學英國徵收糖稅？Bernard就話好多人都咁建議過佢，但佢自己就覺得冇用，「講真，貴咗你咪照食，返屋企咪又係自己溝啲糖落去」，又好似幾有道理。
話說唔少香港人都去過北京旅遊或出差，故宮可以話係必去嘅景點，但Bernard話做呢個職位前從來未入過故宮，只係喺外面行過嚇，所以今年初特登去惡補，「故宮好多藏品原來喺室外，兩日行咗4小時，凍到我呢……」
然後Bernard又借啲意讚嚇馬會董事兼恒隆地產行政總裁陳南祿（Philip），話香港故宮博物館多得馬會捐錢，有咗硬件，將來要培育多啲人才咁話。
講起Bernard嘅公職，不得不提嘅，係佢係降低食物中鹽和糖委員會主席，港人近年流行食「勿演懶肉實小勒買線」，佢竟然又未食過，唔夠貼地喎！
不過咁，佢都識呼籲大家唔好飲湯，只係食米線；而嚟緊年底降鹽糖會將推出4個標籤，包括冇鹽、冇糖、少鹽、少糖，餐廳係自願形式參與，究竟成效有幾高呢，呢個係一個謎。
咁不如索性學英國徵收糖稅？Bernard就話好多人都咁建議過佢，但佢自己就覺得冇用，「講真，貴咗你咪照食，返屋企咪又係自己溝啲糖落去」，又好似幾有道理。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com