財經評論：電競文憑時機未成熟
■本港電競業仍處於起步階段，電競文憑難免惹人冷嘲熱諷。資料圖片
政府近排積極推廣電子競技，前幾日數碼港就同HKU SPACE推出「電子競技科學文憑」課程，成本港首個獲資歷架構認可的電競課程，文憑為期6個月，學費2萬蚊，課程教授電競商業生態系統、串流技術、安全及法例
等，驟眼睇落好似為電競前景打下枝強心針！
但筆者認為，當部份父母仲認為電競係打機的代名詞，電競只係遊戲廠商的市場策劃，謀利手法之一，父母們睇唔到電競業的前景及穩定性，憑咩要佢哋出2萬蚊，畀子女讀一個為期半年的電競文憑。雖然學院表示，學員修畢課程後，可掌握電子商業生態系統，了解執行電競節目的過程，成為數據分析師、電競主播編輯、電競領隊等，但父母會覺得這些職業不夠大雅，難免不看好課程。
就筆者而言，要改變父母們的刻板印象，政府或可帶頭將電競列為運動項目之一，給予電競選手運動員的對待，於求學階段提拔選手，頒發獎學金予有潛質的同學，提供入學機會，再配合電視台及本港大機構推廣，電競氣氛才能濃厚，成為社會主流事物。如今本港電競業仍處於起步階段，氣氛未發酵，電競文憑難免惹人冷嘲熱諷，「學打機都要咁貴！」
記者：黃朗鈞
財經評論 舊文
來源 source: http://hk.finance.appledaily.com