【實力取勝】特色小鎮有得諗（陳承龍）（第175期）
2018-5-3 16:30:11
作為小弟嘅朋友或者fans都會知道，其實我好鍾意買樓，無論香港、大馬、歐美都有興趣，最近仲喺中山買咗間樓，呢篇稿見街之時，應該都收埋樓。順手賣嚇廣告，記得like我facebook fanpa
ge，我不時都會做下唔同直播，或者直播收樓都唔奇㗎，KOL丫嘛。 講返大陸樓市，雖然成日調控，但始終14億人口，需求係大到香港人難以想像。舊年小弟同老友陳政深，上過廈門參加「金磚絲路」高峯會，其實當日吸收咗唔少資訊，對大家睇內房發展好有幫助。金誠控股（01462.HK）主力搞嘅「特色小鎮模式」，係中國新型城鎮化進程中嘅全新嘗試，金誠特色小鎮係先有產業，再有小鎮，通過產業聚集去規劃建設小鎮，再吸引人口，呢個方法小弟覺得幾make sense，好過先起城鎮再吸引人去。 而喺十三屆全國人大一次會議，李克強總理嘅政府工作報告中表明，一、新型城鎮化——要紮實推進區域協調發展戰略。二、全域旅遊——要積極擴大消費和促進有效投資，創建全域旅遊示範區。三、房地產發展新領域——要更好地解決群眾住房問題。呢三點，金誠都非常之配合，金誠計劃將新型城鎮化特色模式，透過「一帶一路」帶到全球，同時亦會搞特色小鎮重文化旅遊，目前已經覆蓋浙江、江蘇、湖南、貴州、福建、江西、湖北、河南、安徽同吉林十省嘅金誠特色小鎮，都會就住當地特色產業搞文化旅遊。 金誠控股全資附屬公司杭州金仲興投資管理有限公司同新余觀悅投資管理有限公司，截至2018年2月28日，共成立29家私募基金，基金規模係人民幣106億元，總目標基金規模預期約為人民幣232億元，係金誠（01462.HK）市值嘅double，真係生金蛋咁。 金誠同時響應中國政府基礎建設項目（公私合營模式「PPP」模式）同其他基礎建設相關配套項目，把握快速增長嘅「PPP」商機，有助於分散公司投資風險。金壇PPP就係金誠同江蘇常州金壇開發區政府合作嘅第一個PPP項目，合作協議係人民幣40億，被列入江蘇省PPP項目庫，完全唔係嘢小。 小弟寫寫下，上網翻查資料，原來金誠今年初又喺廈門舉辦地球文明會國際高峰論壇，佢哋打造平台為科研人員提供各學科專案研究、實驗基地，仲有專項資金支援，科研成果將被廣泛應用喺金誠嘅特色小鎮。其中金誠農業位於江蘇省常州市金壇區，佔地近400畝，主要有果蔬、水稻種植及銷售，家禽、水產養殖及銷售，生態農業技術、養殖技術、生物技術、種植技術的開發，採用日本先進農業技術、配合當地政府技術人員支持。 大家有冇留意到，特色小鎮唔係純起樓，仲要好多建設，係得到國家支持先搞到，所以金誠一啲都唔簡單，點都要長期睇實。
實力取勝 - 陳承龍 舊文
來源 source: http://www.winmoney.hk