【魚樂無窮】咁樣贏錢，我寫個服字（唐牛）
首隻以同股不同權形式闖港的新股小米（1810），正式接受機構投資者入飛，散戶每手入場費4,444.3元，單睇數字認真唔「老黎」。事實上，小米上市路途絕不平坦︰原以為CDR會一齊掛牌，結果卻因為李小加形容為「商業選擇」的原因而押後；同一時間，估值
亦由原來1,000億美元，大幅劈近半至550億美元。如今在遇上曳絕市況，用一波三折來形容絕不過份。 (圖片來源：AP Photo/Andy Wong)
首隻以同股不同權形式闖港的新股小米（1810），正式接受機構投資者入飛，散戶每手入場費4,444.3元，單睇數字認真唔「老黎」。事實上，小米上市路途絕不平坦︰原以為CDR會一齊掛牌，結果卻因為李小加形容為「商業選擇」的原因而押後；同一時間，估值亦由原來1,000億美元，大幅劈近半至550億美元。如今在遇上曳絕市況，用一波三折來形容絕不過份。
會否入飛認購？參考另一新經濟巨無霸平安好醫生（1833）平凡表現，孖展盡抽隨時蝕息都蝕死，故湊熱鬧最多只會以現金認購，盡量降低成本，至於抽幾多，還須看屆時的氣氛，有機會再同大家update。
近日唔少上市公司發通告，唔係併購而係買股票，好似時富金融（510）咁，星期二宣佈，過去兩星期掃入19萬股騰訊（700），翌日再稱已沽出11.5萬股，帶來收益60.7萬元，比著尋常散戶，唔使一個月執幾十當然好勁，但今勻時富金融係用幾千萬贏幾十萬，回報率只得單位數，性價比極低，一個唔覺意轉身慢，隨時仲要坐艇。如此藝高人膽大在六絕月咁樣贏到錢，我只能夠寫個服字！
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com