Can Bank：真‧同股不同「權」
■小米掛牌，真係全方位表現出咩叫做同股不同權。資料圖片
以同股不同權上市小米（1810）終於掛牌，真係全方位表現出咩叫做同股不同權。先講在同日上市另一隻新股紫元元（8223），唔講大家可能唔發現，原來同日有另一隻新股上市，小米上市有一個重
達200公斤大鑼畀雷軍敲，而紫元元呢，就唔知俾人安排咗去邊度不知不覺地敲咗鑼上市。
到上市儀式嘅人數，先唔計到場嘅傳媒，根據小米在其網站上載雷軍於港交所嘅演辭所講，佢今次帶咗175位員工，6位米粉到上市儀式，大家一齊開心嚇，仲未計早在之前一晚已經「i warn you」畀記者嘅溫馨關公。相對於全公司只有36名員工嘅紫元元，即使係全公司嘅人全部到齊港交所，同小米比都要1對5。
上市係開心嘅，所以好難怪小米會帶咁多人去上市儀式，但港交所作為一個平台提供者又好，監管機構都好，為甚麼會無人數上限地讓上市儀式場所，成為私人宴會地方，更將同日上市的紫元元的上市儀式被推到不知哪裏去？這是為了彰顯同股不同「權」嗎？
相對於大而敲唔響嘅鑼，對於投資者嚟講，股價反而最實際，小米首日掛牌，雖然見到股價都幾努力浮返上水面，但在港股大反彈之下，仍要潛水。而差啲就被遺忘嘅紫元元，反而升超過一倍，玩咁多嘢，股價炒得起先最實際。
散子
http://fb.com/散子-257101397966975
散子
Can Bank - 散子 舊文
來源 source: http://hk.finance.appledaily.com