大棋局：特朗普重塑美國秩序
■特朗普重塑美國秩序嘅方法，係退出多邊協議，重新談雙邊協議。 資料圖片
中國一度以為商人出身的特朗普有價講，殊不知特朗普提出的條件並非叫價，原來係底價。身分容易造成刻板印象，因為特朗普商人特徵，於是順理成章地認為其所做一切只求生意，而且
必定能夠協商。談判過程遇挫，則匆忙拿起特朗普著作《講數的藝術》以圖了解其想法。
但人嘅志向會隨位置而改變，所謂人窮志短，因環境所限自然錙銖必較於生活瑣事。當去到李嘉誠咁嘅層次，戶口多個0或少個0對佢來講已唔重要。商人身分，《講數的藝術》內容，只反映其做法、手段，而非其本質，今日嘅特朗普已經唔係要戶口多個0咁簡單。舊文《特朗普新秩序來襲》吾人有一個疑問：倘其志向不限於此，所謀者乃一種新秩序，嘴炮就唔可以當笑話睇。
用一個橫切面去看現時中國周邊的地緣局勢。朝鮮由反美變成同美國有偈傾，單係呢種轉變，已夠中國怵惕。第一島鏈限制了中國無法東擴，朝鮮，係唯一一個東北亞缺口。現時已經係2018年，逼朝鮮人高喊「金元帥好嘢」套政制玩唔到幾耐，金正恩看到，特朗普看到金正恩看到的。於是美國以美好經濟願景拉攏朝鮮，中國就顯得焦躁。這是水面上的形勢。
貿易戰重點招呼中國
近年外國傳媒已多次報道中國搞緊水底長城，這點要特別關注。平時航母通常用嚟擺款，有毀國之力的，係水底下核潛艇。要探測潛艇，過去會用聲納，現時會用上類似磁力共振技術，已去到量子力學範疇。
中國南海拓殖，每推前一個礁，水底反潛長城就推前一線。唔止要突破水面上島鏈，水底下島鏈都要突破。美國開始捉偷運反潛裝置嘅人，戒心已現。這是水底下的形勢。
TPP，特朗普退；巴黎協定，退；聯合國教科文組織，退；伊朗核協議，推翻；NAFTA，同墨西哥另外傾。可以見到特朗普重塑美國秩序嘅方法，係退出多邊協議，重新談雙邊協議，並非簡單地行孤立主義。用淺白嘅講法，舊制度被玩爛，美國就退，然後每一國逐一同你講數，講到你簽新雙邊協定為止。貿易戰，只是其重塑美國秩序多個環節中一部份。
其中重點招呼中國，因美國對華態度已轉變。
當初尼克遜訪華，扶持中國經濟，目的在聯中制蘇。時至今日，中國經濟體量對美國開始有威脅性，最重要嘅，係中國不甘心留喺舊美國秩序內，拓殖之動作並唔會因口中說不爭而令人改觀。所以貿易戰這部分，會特別招呼中國。
Mr. Tregunter
本欄逢周二刊出
Mr. Tregunter
大棋局 - Mr. Tregunter 舊文
來源 source: http://hk.finance.appledaily.com