一路一帶：抖音點樣打低企鵝
■抖音幾乎是年輕香港人必裝嘅應用程式，成為騰訊的最大敵人。互聯網圖片
騰訊（700）股價由高位回落近三成，返回10個月前起步的「低位」，股王由過往拍曬手掌睇好，變成𠵱家人人踩一腳，筆者見過最精警一句是「手遊太好賺」，令到股王輕視大數據分析，結果在各個數據行
業開始處捱打局面。筆者認為企鵝最大的敵人，其實就是《抖音》。
「你今日玩咗抖音未？」呢句嘢最新成為年輕香港人的口頭蟬，留意返，係香港人！各位最近有否留意，在facebook上，很多有趣的短片，左上角都有個logo，寫住抖音，或者Tik Tok。抖音喺大陸活躍用戶數已經突破兩億，即係五個有上網嘅大陸人，就有人一個玩抖音，人數係手機通訊App微信嘅五分之一。抖音利害之處係可以將短片擴散至需要「翻牆」嘅facebook，穿透力十分驚人。
筆者身邊有幾位14至16歲嘅親友，必裝嘅應用程式，除咗IG、Whatsapp，就係抖音！正所謂得年輕人，得App天下。筆者因工作需要，第一次開抖音時，對短片質素有所保留，但向上向下滑兩滑，一睇就睇咗1個鐘，十分中毒。睇睇嚇，會發現自己相關嘅興趣短片，會越睇越多，筆者深感其數據分析嘅恐怖之處。抖音同《今日頭條》嘅母公司一路傳緊嚟上市，我睇到嘅，係另一隻騰訊。
斯郎
http://fb.com/oneroadonebelt/
斯郎
一路一帶 - 斯郎 舊文
來源 source: http://hk.finance.appledaily.com