【實力取勝】炒股不會一世順風順水（陳承龍）（第190期）
2018-8-16 17:30:57
呢個Moment，少做少錯咯，因為市場氣氛真係好差，不過基於鐘擺原理，物極真係必反，大家都咁淡，可能好快有終極一跌，連股王騰訊（00700.HK）都洗埋倉，都真係離底不遠。但真係少做
少錯，見到底都可以等陣先，唔好亂嚟。
呢排洗得就洗，教育股呀，科技股呀，舜宇光學（02382.HK）單日跌3成，最後到騰訊都洗倉，其實市場都係搵啲誘因跌啫，如果個市要隊，騰訊出業績好都可以照隊，依家爽爽快快跌咗去，早啲噚底，早啲重新出發其實仲好。
如果被小弟言中，今次急促見底，就梗係好事啦，但如果今次好似啲大淡淡講到熊市來了，點好呢？小弟就用拙作《捕捉股市十年周期》入面一小段，激勵下大家啦：
「當然，人生總有起跌，不會一世順風順水的，小弟也逃不過2008年的金融海嘯，此跌浪也一度令我差點被沒頂，幸好小弟身邊還有家人和好友支持，再加上各國央行的量化寬鬆政策，令小弟很快翻身。
「之後2010年的歐債危機雖然也難熬，但殺傷力已不及金融海嘯了，再到2015年4月1日宣布中港基金互認而引發的小時代，更是小弟另一個上位的機會。2017年，更加不能不提，港股差不多連續升了10個月，為不少人創造了財富，小弟也有幸沾上邊。」
捱過難關，把握機遇就可以大翻身，係咪好勵志呢？之但係呢，好多時係咪熊市，都要事後先知，即管睇下，幾個月後咩環境咯！
實力取勝 - 陳承龍 舊文
來源 source: http://www.winmoney.hk