智取大市：亞馬遜急升啟示 - 晉佳
亞馬遜過去幾年花大量資金去推廣、科技方面，今年開始享收成，令到盈利爆升。資料圖片
本來寫好一篇文，後來發現篇個半月前寫好但冇出街嘅文，作為上半part又幾適合。舊文嘅背景係亞馬遜7月下旬出第二季度業績，講亞馬遜同騰訊（700）嘅分別。
睇預測市盈率，
亞馬遜110倍、騰訊30倍。騰訊超級輕資產，生意壯大後，operating leverage長期保持1，即係每10%收入增長，帶動10%盈利增長，睇落好正常，但投資者就係嫌股王太正常，要喺未來額外每年推動收入增長幾十巴仙去支撐股價，要花一定氣力。
至於亞馬遜過去幾年花大量資金去推廣、科技方面，令到2016年、2017年相關開支增幅明顯高於收入增幅，於是盈利過去處於偏低水平。今年情況唔同曬，由於前期投入夠多，開始變成收入增幅遠高於支出增幅嘅階段，令到盈利爆升。稍後零售業務成果顯現，收入上升拉動盈利變倍上升，爆發力難以想像。兩隻股，根本處於唔同發展周期。
舊文嘅新啟發係，亞馬遜升越2,000美元仍未見頂，走勢拋離其他板塊，聯同Apple、Google長升長有，可見未來或能拉動落後AI、大數據概念股追落後，港股短線跌市未止，但科技單邊升市，未來仍值憧憬。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com