實力取勝 - 陳承龍 2018年10月19日

實力取勝 - 陳承龍 2018年10月19日


【實力取勝】慢熊做淡策略（陳承龍）（第199期）

2018-10-18 16:59:02

其實，港股已經去到超賣狀態，如果想等位做淡，亦唔會係呢啲位做淡，因為呢啲位做淡，根本唔夠水位，加上好多股份處於反彈階段，大家千祈唔好亂嚟。炒股唔可以行快過人半步，或者比人行慢半步，一定要順勢而行。

現階段都係可以小注博反彈，我早前講嘅25,200點係一個靚位，如果低位牛得靚，已經贏到成千點左右。呢排都係逢親回就可以做好，好多機會畀大家，千祈唔好追沽，我目標可以睇到27,000點樓上。

不過中線繼續反覆沉底嘅睇法，就冇變過。記住今次嘅跌市係慢熊，會升到某一個位慢慢再插落去，唔會插得好急，只會一浪低於一浪。另外有啲人話美股都跌喎，其實呢啲只係狼來了，人哋仲係強勢，主要係美元依家強勢唔到，資產價格就會硬淨。之前個跌市係因為電腦程式盤造成，仲有美債同埋拆息因素，話唔埋美股根本仲未玩完，年底之前或者仲會有個高潮。只有中港股市成為貿易戰嘅犧牲品，短期美國11月中期選舉之前股市都係會反覆，要小心。

實力取勝 - 陳承龍 舊文

來源 source: http://www.winmoney.hk