智取大市 - 晉佳 2018年12月5日
智取大市：複雜環境的對策 - 晉佳
過往20年每次港股跌市途中，恒指出現第一支月線大陽燭反彈，之後的月份多數情況上落不大。 資料圖片 適中字型 較大字型
中美貿易戰嘅一連串好消息連珠爆發，甚至白宮經濟顧問庫德洛講到，中美喺知識產權問題「相當接近」達成協議，講到連核心問題都解決有望，大家依然係抱半信半疑態度（信五成其實畀多佢）。
長線投資者基本不會太在乎有冇多90日去談判，但關稅延後實施令人民幣即時貶值壓力減低，有利資金流之餘，內地企業經營壓力亦略為紓緩，結果刺激中港股大彈，跑贏美股。證明貿易戰同滙率、金融貨幣政策諸如此類，其實有著相互影響嘅關係。當每項貿易戰嘅變化出現時，會連帶左右其他因素，然後轉化成為對市場嘅影響。
相比過去，市場更多不明朗因素，令投資者會偏向保守一段時間，同時產生炒股不炒市嘅機會，強勢、弱勢股換馬可能相當反覆，超弱勢而死唔去嘅周期股，又或者免疫於貿戰兼業務有上升空間嘅股份，吼就吼呢啲。
睇恒指月線圖嘅話，過往20年每次港股跌市途中，恒指出現第一支月線大陽燭反彈，之後的月份多數情況上落不大，或呈下跌，再升多棍機會不大，呢個現象值得留意。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com