亮說亮話 - 湯文亮 2019年4月2日
亮說亮話：千祈唔好嫌贏得少 - 湯文亮
去澳門賭錢，千祈唔好嫌贏得少，離枱就要走人，食回頭草再賭九成會輸。資料圖片 適中字型 較大字型
有年輕朋友打算去澳門賭錢，問我有何金石良言，本來我想講不賭是贏錢，但我又知道勸人唔賭一定勸唔到，所以費事講，小注怡情又被何鴻燊講咗，於是我話，千祈唔好嫌贏得少，離枱就要走人，食回頭草再賭九成會輸。
很多人不明白這個道理，我自小在賭場長大，見到不少在賭場贏了錢的人仍然不願意離開，那些荷官就會話那人氣色好，應該賭多幾手，結果不但將所贏得的輸返畀賭場，而且會輸凸。年輕朋友從澳門回來話不聽老人言，他的確有段時間贏了很多，並且已經離開賭場，但唔知點解嫌贏得少，覺得自己手氣仍然很好，於是再回到賭場博殺，結果是一場歡喜一場空。
有年輕人早幾年前入市買樓自住，在去年十一月將自住單位賣走，賺了百多萬，但近日樓市飆升，如果他不賣，最少可以賺多一成，他又幾叻可以話畀記者聽，他雖然賺錢，但唔開心，現在再打算再入市。我有多少不明白，他究竟真的是不開心，抑或是曬命，如果是前者就無可救藥，他是一個永遠都不會開心人；如果是曬命，就千祈唔好再入市，否則，在他再度入市之後樓市下跌，就會被人笑到面黃。
其實，只是買一個單位自住，有甚麼值得炫耀，這根本是必須的，而且賺百幾萬就周街講，即是話畀其他人知自己未見過大場面。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com