魚樂無窮 - 唐牛 2019年5月30日
馬上成為壹會員
會員註冊/登入
【魚樂無窮】適時出擊最實際 - 唐牛
大市繼續悶局，投資者宜等適當時候出擊，好過打冇把握嘅仗。資料圖片 適中字型 較大字型
大市繼續悶局，成交依然薄弱，如果唔係要做節目及交稿，一定唔會睇市，事關波幅之細，就算用埋衍生工具配合，都要捉正曬高低位先有肉食，仲未計睇錯邊嘅風險，咁你話係咪寧願一動不如一靜？
外遊在即，為免吃喝玩樂時心掛掛，故已將倉位減至無壓力水平，檢視持股時發現，原來高息股數目已佔倉位逾一半，打守勢波係其中一個原因，更重要的是根本冇乜股票在逆市有進攻能力，既然係咁，不如等適當時候才出擊吧，寧願買貴些少但勝算高，好過打冇把握嘅仗。
通告方面同樣靜局，旺市時配股活動比比皆是，更會有大量新業務新項目MOU，冧巴滿天飛，如今較有睇頭的通告，真係五隻手指數得曬，炒作更是非常短癮。
以新時代能源（166）為例，日前發通告指，旗下阿根廷薩爾塔省勘探井的石油資源具商業可行性，現正興建第一期永久生產設備，預計8月初完成，屆時每日產能可達2,000桶原油，絕對屬於重大利好消息，翌日最多曾升35%，但成交股數只得十幾球，股價更於兩日後打回原形，效力只維持三日，就知道塘水滾塘魚的問題有幾嚴重了。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com