Hea富生活 - 郭釗 2019年5月30日
馬上成為壹會員
會員註冊/登入
【Hea富生活】用家另一次入場機會 - 郭釗
《逃犯條例》通過或會觸發新一輪大價樓拋售潮。資料圖片 適中字型 較大字型
自從侵侵為2000億中國貨品加25%關稅後，部份香港業主出現蝕讓放賣及撻訂個案，有些錯過上年年尾上車的準業主，已急不及待還價入市，實在是否應該等等呢？現在香港人正見證香港歷史轉折點，即將要通過一條近乎全西方社會都反對的條例，連歐盟28國都加入反對陣營，非常少見。一國兩制從來都不容外國插手及幹預，蘋果通常是在內部開始腐爛。6月12日恢復二讀，最遲7月應該會通過。
同一個月，習總與侵侵會在大阪的G20峯會上會面，根據以往的慣例，通常會面前都會造就一個較良好的氣氛，任正飛早幾日都一反常態，認曬iPhone先係師傅，怪不得有人說成功的生意人，就是最佳的表演者。美國應該都會禮尚往來，講番啲好說話，侵侵出嚇Twitter咁，根本不用成本，會面過後攞到著數再開火，因國內民意調查及黨內都視中國為貿易騙子及竊取機密盜賊，估計應會保持邊打邊談之勢，直到美國2020大選，股樓都應該冇運行。
本人一向傾向將資產分配到不同國家，以分散日漸增加的政治風險，對香港樓市看法既非好友亦非淡友。上星期談過，《逃犯條例》通過或會觸發新一輪大價樓拋售潮，幾千萬以上的豪宅影響較大，但樓市散戶部份易被影響，用家勤力睇樓，一千萬以下樓亦可能有平貨執，如美國順便取消埋香港政策法，最多買平20%亦有可能，用家可留意。
郭釗
http://fb.com/heaology.edu
本欄逢周四刊出
Hea富生活 - 郭釗 舊文
來源 source: http://hk.finance.appledaily.com