大茶飯 - 青冰 2019年6月17日
【大茶飯】新股市場初見生氣（青冰）
在現時周遭的氣氛下，不少股友都提不起勁去寫財經，青冰也感同身受，但奈何仍然交稿嘛，總不能每篇以沒心情為由而hea寫，當然市場是不會停下來，功課仍是會照做的，亦很感謝不少戰友，在此時此刻仍然會like青冰一些財經post，套用張家輝在「失戀急讓」的一句：盡做。
差不多九個月沒參與新股市場了，多謝戰友在專頁提起翰森(3692)，才的起心肝的去研究，由於近日市況實在太差，空閒的時間多了，就可以花更多的時間去搵料，基本上個功課在上周已有很詳細的交代，上市首日的表現著實不錯，操作上唯一要改善的，應該是在暗盤時段欠guts去掃，卻選擇去排隊等人質，憾也。
而看漏了眼的是中煙(6055)，完全沒留意過，上市首日初段只是微升，那天才睇佢係做乜，幾個重點啦，國務院100%持有其母公司股權、獨市、不過就唔係製煙，只是貿易而已，美國進口業務亦受貿易戰關稅影響，而上市日更是子彈橫飛之時，試問邊個有心情分析完仲去追貨吖，次天再漲四成，亦為翌日上市的翰森打響個頭炮。
雖然這兩隻好勁，但睇返過去一個月，新股都唔算太標青，最近20隻新股，只有6隻累積表現係唔穿底，累升逾三成的只有以上兩隻。青冰早前在專頁提過，巴巴來上市，表面上令港股雪上加霜，抽乾曬啲資金，但經驗告之，每逢有超大型新股上市，之前的新股市場總會旺一輪，連帶整體投資氣氛也較好。
現時招股中的錦欣(1951)，業務係好獨特的，人工受孕在本港極普遍，收費亦不菲，由於個社會愈來愈遲婚，這個業務需求大，聽產科界朋友講，你睇啲名星就知啦，全部遲婚，佢哋要的是結果，上咗年紀仲同你慢慢享受個過程慢慢等咩。不過這是香港的狀況，錦欣是在國內及美國加州有業務，究竟係咪有得做，而可支持以超高市盈率上市呢？不過間公司又係大摩保薦，又係皮幾嘢一手，又係醫藥股，大致同翰森一樣，有理由相信今次會吸引更多捧場客，亦都冇咁易中幾手了。
而即將招股的百威，應該係六、七月裡最大型的招股，集資50億美元，令到資金市場更趨緊，話曬近日政經不穩，又臨近半年結，銀行留定個錢傍身係好正常，所以未來個幾星期拆息再抽高，不應感到意外呀。
Fb個人專頁http://www.fb.com/chingbing888
大茶飯 - 青冰 舊文
來源 source: http://hk.finance.yahoo.com