智取大市 - 晉佳 2019年6月24日
【智取大市】未來選股思維 - 晉佳
最近熱炒嘅未來食品，都算係科技概念。 互聯網圖片 適中字型 較大字型
恒指市賬率回升至較接近1.3倍，歷史上固然偏平，估值反映長遠中美紛爭惡化令企業盈利持續受損，以及未來科技發展帶動企業盈利之間嘅博弈。
中美紛爭影響絕大部份企業盈利，從過去一年睇，資金只偏好三概念，第一，防守概念；第二，不受貿戰影響嘅內需品牌升級股，呢類股份即使已跑贏，估值已不低；第三，科技概念。
科技概念係指物聯網（IoT）、AI等等科技概念，包括自動駕駛、工業互聯網、最近熱炒嘅未來食品等等，網絡、手機等等已經不應被視為科技。以市值逾3萬億嘅騰訊（700）為例，有包含IoT、AI投資，但公司基數之大，相信只有小部份業務為科技概念，大部份業務如網絡廣告、手遊似周期概念多於科技增長。歷史市盈率30倍樓上，談不上便宜。
新一個科技浪潮帶動實體經濟以至上市公司盈利嘅時間，尚未來臨，減息等因素形成海量資金會追逐小部份的三大概念股而令估值高上加高。IoT、AI應用未有耐普及化，尚未帶動實體經濟，周期股較大機會進入大型上落市，若幹年內唔會見到大規模資金流入，周期股只能喺超賣下吸納博反彈，未屆長期持有之時。呢種現象下，大家必須重新檢視選股方式。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com