【魚樂無窮】神華101報告重現？（唐牛）
近日大行裁員的消息此起彼落，當中又以分析員為高危一族，法巴更傳出將整個亞洲證券研究部外判予晨星，慳得一蚊得一蚊。事實上，日前在財經節目與兩位分析員傾開，均指行內競爭激烈，再加上內地一股新勢力，要突圍而出並唔係易事。
作為老散，我對能夠影響股價的
報告最為敏感，以大行為單位的話，首推人稱大摩的摩根士丹利，唱好或唱淡股市的報告一出，或多或少都會影響市況，各大傳媒更會以「摩笛」形容，足見其江湖地位。個別分析員的話，我最有印象的是早年以唱淡利豐（494）成名的Spencer Leung梁裕昌，這隻過氣藍籌的股價表現，大家亦心中有數。
港股越來越難炒乃不爭的事實，值得cover的行業亦越來越窄，分析報告如何取得市場眼球，變成極高的藝術。戰友笑言，分析報告已有反傳統跡象，例如有零售股分析員會親身落舖數人流（希望唔係毅進制），務求做到人冇我有，搵食如此艱難，相信2007年「神華101報告」（唔知係乜自己google）的呃like場面，好快會再次出場現。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com