金手指 - 孫柏文 2019年9月17日
【金手指】泛民護航咬地主？ - 孫柏文
林鄭睇準有泛民護航，所以將會大力推政策去打香港資產生產力。 資料圖片 適中字型 較大字型
幾日前，《路透社》報道話國資委喺深圳同近百間國企嘅代表訓話，要佢哋喺香港「發揮更積極的作用」，去幫手「止暴制亂」喎。周末，陶傑同蕭若元都不約而同咁講，49年後喺上海啲私人企業嘅遭遇，即係啲公司資產，最終點樣被政府食咗。咁喺香港可以點做？陶傑就好樂觀話因基本法保護產權，所以大陸政府會「像港交所企圖吞下倫敦交易所，開一個兩成的溢價」買曬香港啲大企業。我絕對冇佢咁樂觀。
中央已發現香港其中一個吹我哋唔脹嘅地方，就係我哋資本非常雄厚。不過，我哋好多資產，都係因有生產力，所以先值錢，而要摧毀資產價值最易嘅方法，就係減低生產力。而要減生產力最易嘅方法，就係政府以「監管」之名推出條例。
香港泛民，其實好鍾意政府乜都擁控制權，佢哋同中央唯一嘅分歧係邊個操控政府機械去支配大家嘅生命。以前香港有個真心信馬克思主義嘅組織，叫「左翼廿一」啲成員，例如區諾軒、郭永健等都紛紛成各民主派政黨嘅骨幹。林鄭、大陸，就係睇準有佢哋嘅護航，今次將會大力推政策去打冧啲香港資產嘅生產力。最後賤價被大陸收購。唔信？就睇嚇當政府以「打擊貧富懸殊」之名出手時，左翼傳媒同啲泛民點做。你手上如有啲港企股票，就要識執生啦。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com