智取大市 - 晉佳 2019年10月16日
【智取大市】港股兩極化有排玩 - 晉佳
中國靠新科技推動經濟嘅周期，只係發展初期，股票市場未來有大把尋寶機會。 資料圖片 適中字型 較大字型
港股近期大部份時間，得少數股票走勢強勁，大量股票唔上唔落，總括有兩個大原因，第一，時代唔同咗，初創現時有A、B、C輪渠道集資，只要有發展潛力，好股毋須上市等散戶投資者有機會買埋一份，於是又好又新嘅企業股票，供應極少；第二，中美紛爭令到大部份周期股被邊緣化，中國5G、AI可望成為國內經濟增長新動力，但新科技普及化尚未成形，受惠企業數目仍然有限。
由於強股不多，並且多數時間齊上齊落，因此換馬操作空間亦相當有限，策略上，中線持有強勢股點都好過短炒。每次恒指升幾百點、資金湧入老弱殘兵之時，運動用品股、物管股等等紛紛回吐，便形成上車機會。
中國靠新科技推動經濟嘅周期，只係發展初期，暫時只有極少數企業受惠，數年內科技普及化，就會逐步擴大應用至周期企業，可節省成本、提升生產效率同服務質素，仲有條件令品牌升級，因此呢個增長周期只係極初步階段，股票市場未來仲有大把尋寶機會，只係時辰未到。不過，中國倚賴外貿程度下降，便有條件施行更強硬外交政策，對於香港、台灣、西藏、新疆政局其實趨向不利。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com