智取大市 - 晉佳 2019年10月21日
【智取大市】林鄭房策受害者 - 晉佳
林鄭房策被形容為打破常規、更大膽措施，但背後更似係緊貼大陸維穩行政手段。 資料圖片 適中字型 較大字型
中國消費強勁、科技發展近年令大陸人以至香港藍絲引以為傲，打工同做生意都有上浮機會。
中國大陸利用經濟成果去打動人民，的確奏效。如果冇金錢利益？又或者生活舒適度受損，天皇都冇面畀，7月份武漢以萬計市民上街抗議興建垃圾焚燒發電廠就知。金錢利益，成為中國近年維穩社會嘅最大殺著。
喺中國，當有企業膨脹威脅到影響社會利益時，中央就會出手幹預。阿里巴巴係近年典型例子，掌握大數據以至入侵金融界，中央憂慮阿里過於強大而剝奪人民利益，有損維穩，最終令馬雲退下火綫。
《施政報告》針對公屋、居屋、綠置居、上車盤按揭成數等等，希望全方位解決住屋問題，被林鄭形容為打破常規、更大膽嘅措施，但背後更似係緊貼大陸嘅維穩行政手段。過去幾個月，香港嘅三權立法、行政、司法之中，行政逐漸同大陸接軌，立法隨住緊急法先例一開而有所動搖。
除金融外，香港越嚟越走向中國特色社會主義。假如房策視為最重要嘅派餅手段，地產大孖沙就係過往剝削港人嘅最大罪人，地產股長遠其實係房策嘅受害者。即使地產股估值大折讓，相信呢種折讓難以隨局勢回穩而收窄落去。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com