金手指 - 孫柏文 2019年10月8日
【金手指】資金逃生無門的風險 - 孫柏文
若HIBOR爆升，最弱業主頂唔順，開始掟貨，負資產重臨，將進一步令錢外逃。 資料圖片 適中字型 較大字型
過去幾個月，都有唔少人問孫柏文：「今次點收科？」到呢刻，只可以講，大家要做定功夫，去保護自己。
林鄭一去完北京，就回港宣佈用「緊急法」廢立法會，攞咗立法權。立咗咩法其實唔重要，最重要係政府已有不斷推進嘅決心。大家見佢哋用「緊急法」，就有如見到個輕度弱智嘅小朋友，打開咗個啲人千叮萬囑叫佢萬萬不能打開、藏有機關槍嘅盒一樣。
現時個低能仔向天開咗一槍，好似葉劉淑儀、葉國謙等，佢喺特殊學校嘅同學，就係咁鼓勵佢用支機槍射嘢，封網、玩habeas corpus等。
咁大家要問自己，當弱智仔支機槍射嘢時，喺香港嘅錢會點？現時香港借貸破記錄水平，樓價超高，大部份按揭同HIBOR掛鈎。而因弱智仔係會不斷用「緊急法」推進，錢走HIBOR爆升係一定發生。到時，最弱嘅業主頂唔順，開始掟貨，負資產重臨，信貸評級公司開始質疑香港銀行是否資不抵債，進一步令錢外逃。惡性循環。
HIBOR爆升後，弱智仔就會向資金逃生門開槍，射爛個鎖，落閘唔畀錢走。HIBOR必爆升下，有個毫無值博率嘅落閘風險。今日，就要快搵方法將錢滙走，落閘後先後悔？太遲了。當然，可能HIBOR爆升時，就係北京投降之時，maybe，maybe not。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com