金手指 - 孫柏文 2019年11月26日
【金手指】止暴制亂黃金機會 - 孫柏文
禮拜日嘅結果，係一個「止暴制亂」黃金機會。幾百萬香港人大規模參與中央定規矩嘅遊戲，就係釋出最大善意去求妥協。 資料圖片 適中字型 較大字型
上周，孫柏文喺本欄講過：「希望有奇蹟。奇蹟不是在建制大敗，這已是預期之內。奇蹟係當建制大敗後，能代表政府嘅人，越高越好，可以講一句：『香港老百姓的聲音，我們聽見了。』」
禮拜日嘅結果，係一個「止暴制亂」嘅黃金機會。幾百萬香港人仲大規模參與中央定規矩嘅遊戲，就係釋出最大善意去求妥協。中央就算要光速換人，都應該把握今次呢個機會，畀嚇面玩呢個西洋「選舉」玩意，表示loser"s consent，好謙卑咁講：「香港老百姓的聲音，我們聽見了。」咁配合埋令佢哋最敏感「出疹」（不過最合香港DNA）嘅「find out究竟啲事點發生」，成立獨立調查委員會。應該就停。
當然，以國家現有狀況，冇外滙、通脹飛升、銀行大規模資不抵債、出口關稅、樓市爆破、政府財政冇錢等四面楚歌。大家如要落注，都應該係押注落佢哋唔夠政治本錢去做以上的建議。我係連下轉啲建制暗黑經理人，仲有冇經費都擔憂。
究竟事情會點發展，亦要睇未來嗰三百幾個議員點搞。求神拜佛佢哋有自知之明，今次嘅原動力係來要佢哋盡阻政府，而唔係畀將信用卡任轆，去做佢哋左膠嘅事。點都好，望未來，望被中央舞香港嘅未來，確實令人沮喪，不過我都振奮住幾日先。希望在明天，天佑香港。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com