金手指 - 孫柏文 2020年1月14日
【金手指】四面楚歌的駱惠寧 - 孫柏文
中聯辦新主任駱惠寧。資料圖片 適中字型 較大字型
兩周前，經過多月嘅群眾運動，孫柏文都歸位唔講政治，喺屬於投資版嘅本專欄，講番股票。亦以「一注位置炒寶龍商業」為題，建議大家買寶龍商業（9909），講到明「一兩個禮拜後，唔理好醜都走，咁就買得安心」嘅沽貨策略。
若兩周前一開市就撲入寶龍商業及在昨日以收市價沽出，淨賺一成六，兩周有咁嘅成績，唔錯。下周又有隻好嘢，希望大家留意本欄。
上周，我講過中聯辦新主任駱惠寧見記者時冇提過「止暴制亂」，所以該詞也應壽終正寢了。而之後民建聯拖大隊去見駱主任時，又食閉門羹，好多人就覺得成個土共機器應已達人心惶惶嘅境界。
不過最四面楚歌嘅，其實係駱主任自己。原因係當例如美帝、英國等地，有初選、大選等機制去令政府轉軚。中共要自己啲人來做。
而民建聯人雖質素極低，都唔會儍到自己無啦啦拖大隊拜會。一定係有中聯辦內部啲自覺「永遠官僚」，冇咗我、你唔得嗰隻old seafood叫禮義廉去。而駱主任唔見，其實就係最能代表駱主任被港共deep state重重包圍。大佬呀，侵侵都仲可以揀自己嘅幕僚。駱惠寧呢？連幫主任斟茶嘅嗰位阿姐，都係港共deep state嘅人去監視佢。難搞。
最後睇台灣選舉。最感動係韓國瑜落敗之後講嘅說話，一個健康嘅民主體制，最重要係選舉後，輸咗嗰邊畀loser"s consent，即認輸同認可勝出一方嘅民意授權。中國真係超英趕美，係中華民國超越英美民主。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com