疫情下，樓市點解唔跌
近日香港受到新型冠狀病毒肺炎(新冠肺炎)摧殘，不少專家以慘過沙士來形容，理論上樓市應該下跌，問十個專家，十個都會話跌。我不是唱反調，亦認為樓市會下跌，但很奇怪，中原指數連升4個星期，製表人都唔知怎樣解釋，唯有話疫情對於樓市的影響，將會在下星期反映出來，而這個解釋在兩個星期前
已經用了。其實樓市點解唔跌，最簡單解釋就是成交量太少，冇人減價賣樓，樓市又怎會下跌。不過，亦不代表大家可以用幾個星期，或者幾個月前的成交價賣樓，所以千祈唔好咁開心。
業主可以唔賣樓主要是防守力強勁，在2003年沙士期間，不少業主同時擁有幾個單位，樓價下滑，最簡單又最直接方法就是減持手上單位，市場供應突然增加，樓市又怎能夠唔跌。現在大多數業主只是持有一個單位，唔供樓都要租樓，沒有那麼容易放棄，少人賣樓，樓價自然沒有那麼容易向下。
此外，沙士期間供樓，利息比現在多一倍，如果銀行可以還息不還本，大多數業主的現金支出較租金還要低，而且租樓即是替人供樓，除非迫不得已，一般業主明知樓價會下跌都唔會賣樓，少人賣樓，樓市亦不會那麼容易下跌。
沙士期間賣樓的人大多數不是業主，而是銀主，他們賣樓又快又狠，但價錢就唔會好，影響到其他成交價亦不理想，而且當時銀主賣樓，走得摩心態下樓價又怎能不跌。
金管局為了壓抑樓市升勢而推出逆周期措施，令到大多數業主的資產比率非常之低，本來很多業主都表示不滿，但今次疫情，因為有逆周期措施，大多數業主都沒有財政壓力，他們會發覺，原來金管局推出的是疫周期措施。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk