【大茶飯】瘋狂新股測幾時爆煲（青冰）
【大茶飯】瘋狂新股測幾時爆煲（青冰）
每逢牛市，總少不免有一隻標誌性的新股，瘋狂超購股價勁升幾倍。更多
上周歐康維視（1477）及思摩爾（6969）首日掛牌，攜手升逾一倍，同日六隻新股在主板上市，最差嗰隻都升23%，雖說今年港股屬多事之秋，但熱門新股
普遍冇令大家失望，絕對係抽新股發過炒股，有戰友就怕新股市場太瘋狂，預示了熾熱市況遲早爆煲。
每逢牛市，總少不免有一隻標誌性的新股，瘋狂超購股價勁升幾倍，然後牛市爆煲後，就會成為事後孔明的分析對象，嗱都話每次出現爆炒新股，就是牛市見頂之兆，下次見到就要醒目離場喇。青冰今次研究了2015年及2017年這兩個牛市的新股，可同大家分享。
2015年人稱大時代，市況極之熾熱，基本上乜股都升，而且愈垃圾的愈好炒，新股市場又如何呢？青冰翻查港交所網站內的交易所市場資料年報，回看當年的新股，超購勁集資額勁的，主要是內地劵商，廣發証券（1776）及華泰證券（6886）兩者集資逾300億元，都分別有約200倍超購，可見當日大家幾咁熱烈，但睇返股價表現，廣發首日升三成，但華泰只升4%，都唔算好特別吧，至於其他的新股，真係搵唔到甚麼名星了，而廣發在4月上市，華泰就在6月，而大時代係在7月爆煲嘅。
閱文掛牌倍升 大市緊隨見頂
2017年人稱慢牛，因為的確係升足一年，但升幅不全面，新經濟股爆炒，舊經濟股就點曬穴，新股名星就多喇，閱文（772）、雷蛇（1337）、易鑫（2858）及眾安（6060），閱文在上市首天最高升一倍，眾安就在首星期內升六成，而閱文就在11月上市的。慢牛最後要炒至2018年1月先爆，而最瘋狂的市況亦在當月，港交所（388）在慢牛唔算升得多，但在1月時發力，單月升29%，在爆炒中一齊爆煲。
戰友回看今年的新股，尤其是生化股B仔，絕對比上面的前輩更癲，但拍埋去歐康維視及思摩爾，仍遜一籌，若說新股已達瘋狂階段，絕不為過，但以整體市況而言，未去到大時代般的雞犬皆升，不過亦已開始熱身。若以廣發及閱文作指標，熱爆新股上市後兩個零月就是大市爆煲之時，如上周的倍升新股係今浪的指標，即係話9月前就要逃生喇，究竟準唔準，9月再檢討吧。
青冰
http://www.fb.com/chingbing888
本欄逢周二刊出
大茶飯 - 青冰 舊文
來源 source: http://hk.finance.yahoo.com