【大茶飯】三個訊號助你日後逃生（青冰）
【大茶飯】三個訊號助你日後逃生（青冰）
青冰一貫都是以賺頭蝕尾的方法操作，現階段的看法沒變，應是調整，但都要開始制定逃生策略。更多
上周全球股市來到了樽頸位，上證衝至3458點，幾天後回吐近二百點，港股亦跟隨調整，周四全部熱炒股急回，有唔少仲跌逾一
成，美股雖然唔算跌得多，但幾隻科技巨頭明顯失了動力，Tesla更在上周一先升15%然後單日轉向倒跌，唔少戰友都問，是否已經見頂，情況有如記者去問張竹君，感染人數見頂未呀，你話點會有人答得到你呢。
青冰一貫都是以賺頭蝕尾的方法操作，現階段的看法沒變，應是調整，但都要開始制定逃生策略，以下有幾個中港美指標，青冰將會密切留意。
雖然近年中港股市關連遠比美股密切，但疫情後炒上的步伐及氣氛，明顯係跟美國科技股同氣連技，戰友可以回想過去的某些日子，道指升納指跌，金融及傳統經濟股強而科技股回吐，港股係跟邊個行？所以第一個指標就是美國科技股了，Tesla的感覺就如港股的美團（3690），增長係勁前景係好，但現價是否過曬火位，大家心裡有數，雖然其他科技股同樣重要，但龍頭阿哥如果洩氣，後市都係濕滯。另外幾隻炒到癲的中概股，拼多多、嗶哩嗶哩及蔚來，即使戰友冇買，都應該見到近日見頂急回，中概股氣氛差，對港股亦有千絲萬縷的影響。
而內地股市，自十日前中證監開口話要加大監測場外配資，上周Ａ股明顯係收了火，再加上中芯（981）的A股在科創板成功上市，市場獲利回吐的壓力更大。滬深300指數及上證50指數，都是在港股時段必須要參考的大盤指數，而青冰近期發現，港股的熱炒股份，更受內地創業板指數的上落影響，尤其是單日轉向，大盤指數始終反應較慢，在茅台插水前，相信創仔已經在高台跳咗落去。
望實科創概念股
港股最重要的指標，當然唔係恒指啦，而是ATM的走勢，近日要再參考另一個團隊，就是科創概念股，中芯、吉利（175）、石藥（1093）及天能動力（819），即使戰友覺得佢哋太癲唔會買，都應該時刻留意走勢，當作火警鐘。在2015年及2017年兩次港股牛市，令青冰最有深刻印象的，就是有些九唔搭八的股份，打入成交榜，比一些藍籌股更大成交，這些都是在牛市末段出現，警惕作用巨大，戰友宜留意。
回應返文首所說，頂位在那只會在日後才知，或者上周已經出現都唔奇，只係操作上應有既定的策略，見事要行動，而不是日後的某天，見自己的倉位大幅縮水，才周圍問人：「師兄，請問係咪見咗頂呀？」
青冰
http://www.fb.com/chingbing888
本欄逢周二刊出
大茶飯 - 青冰 舊文
來源 source: http://hk.finance.yahoo.com