士佳說 - 張士佳 2020年8月17日
【#士佳說 】張士佳：解答你關心的
【#士佳說 】張士佳：解答你關心的
相信這兩日最多投資人談論的是；美團#3690大熱倒灶不入恒指，難怪尾市股價插水，星期一要沽嗎？比較冷門的小米#1810跑入，雷軍的確有辦法，要追貨嗎？ 阿里巴巴#9988入恒指，多人預料之內，但點解公佈前股價冇被炒上？ 藥明生物#2269入恒指，真係估唔到。但又覺得佢正正經經，業績估值都無庸置疑，咁星期一有興趣入貨嗎？
不如逐隻講下；#3690 之前破埋頂，唔知大家覺唔覺，我近月冇叫大家博美團，以前重倉炒，210蚊後，我就嫌貴，尤其4/8 擺明炒博染藍，我就冇博亦都唔叫大家博，我有學生仲叻球球聲噉樣買熊，現在不入恆指，跌是難免的。 有熊仔食，但長遠睇，美團雖然不入恆指，但納入了國指，而且比重達到上限的 5%，其實地位不低於小米，只係大家心理作用，相信入指數只是時間的問題，有貨的今日如果跌太多，唔走，邊度嚟邊度去200蚊炒上嚟，而家入咗國指唔應該低過200。消化沽盤後，或有相反理論及借時間等業績的前提下，有貨今日反彈時，走先，等候下個相反信號再算。
小米#1810，圖靚，如果在公佈之前搏了call，是幸運還是你的分析做對了？有唔少學生聽了上星期的音頻，落注我話佢由舊經濟變新經濟概念，星期五買了小米衍生call。我亦表贊同，並不是想搏入恒指，而是睇圖出了我的一個型態，又聽了雷軍的“互聯網+製造”發佈會，很喜歡他的透明電視同小米大數據生活圈概念，還有至尊紀念版曲面電話，用石墨烯基鋰離子電池及超強拍攝功能，首賣1分鐘全平臺銷售已突破10萬台，勁爆！ 現在再配合入恆指，今天橫睇掂睇都肯定高開，只是擔心其誇張程度，若往後有反作用力使股價靜下來，最好做陰燭，升穿近日頂或可加注。
多人意料之內#9988入恒指，但股價一直上上落落沒甚突破，原因大概是市場擔心中美磨擦，美國繼續對中概股及科網龍頭股的打壓，週末又傳出特朗普考慮禁制阿裡巴巴，投資者心態都趨之若驚，採取觀望態度，不如避一避風頭，等消息消化下有靚訊號才考慮。
至於藥明生物#2269入指數，比重更是中生製藥#1177和石藥#1093兩隻總和；不但份量變得很重要，相信在9月7日正式生效前，不少資金還要追貨搶購。 藥明的業績及前景都得到了市場肯定，無庸置疑，此股一直斷斷續續有炒，只係手上好嘢太多，怕薬類變數多唔敢長摣呢隻，若開市不太高，中個位數升幅的話，會馬上関注。
另外恒生指數成份股有加入了多隻納入北水可買名單，當中要留意物管#1995 永升生活，建業新生活#9983；內循環則留意日清#1475，九毛九#9922，教育股#1773 天立教育有無機會出移卡般的a股化走勢，說不定又可分一杯羹。
至於生物醫藥，亦有信達生物#1801， 康希諾生物#6185納入名單；16號軍科院軍事醫學研究院陳薇院士團隊及康希諾生物聯合申報的新冠疫苗（Ad5-nCoV 疫苗）宣佈專利申請已被授予專利權，這是中國首個新冠疫苗專利。並進入Ⅲ期臨牀試驗，中國疫苗領跑，如果有機會聽我最近言論嘅朋友，都知道我一個場合講#6185講咗三四次，#6185，確實係提供作一個賭博嘅機會。這些消息絕對可以令藥苗股價忽高忽低，低位有像樣陽燭出現還可能值博，但要有心理準備會受各方消息影響承受很大波幅，現階段，疫苗股只係炒一炒，但必須要做定曬功課，準備疫苗後股市，什麼板塊會受惠，因為疫苗一定會出來。
回說指數，上週五期指收報 25074 點，大市成交則較淡靜僅一千億左右，看似港股乏力再升。但恒指日線圖形勢均屬顯著向好，周線又上漲逾2%，指數上週全週升了651點，一舉收覆先前三週的陰燭，短期內恆指都是多利好消息，疫苗的進展有利舊經濟的進一步反彈，不少舊經濟成份股估值及價位都回跌至非常吸引水平, 如內房內險內銀要多加留意，要揀跌得多的龍頭股融創中國#1918，中國平安#2318 ，招商銀行#3968，往後幾百點的指數或許依靠舊經濟拉升，但周末中美會談延遲，多了一個短期不明朗因素，我自己就會搵支靚仔陽燭搏一搏，但若嫌唔夠穩健，可等今週期指升穿 25459，余下8 月應可反覆上試 26000，不過都係炒股好過炒指數，到時望望新經濟有冇跟返大市上，如果有就可以轉返新經濟。正如前周所說，強股現在消化先前的超漲，大市就利用權重的金融股頂住，要留意最近弱勢的新經濟股率先跑出的我自然會關注。
士佳說 - 張士佳 舊文
來源 source: http://skycheung.weebly.com