士佳說 - 張士佳 2020年9月28日
【#士佳說 】張士佳：229xx首目標中了之後……
【#士佳說 】張士佳：229xx首目標中了之後……
先前同粉絲講市道較淡，首目標最少都229XX，在港台的「e線金融網」中都有強調，上周五上堂中夜期就HIT中了，淡倉平了半，下個大家最關心的問題是再跌，會跌到邊? 或者仲有無得跌？
通常這些目標問題，我都唔多答，因為無人真係知跌到幾多，我通常都只係知道最少跌幾多，所以就係首目標。托賴！講得出，SO FAR都有八成成功率，但首目標到後，我就唔會知下個目標，因憑當日數據，無理由知未來咁多新信息，像中美的新進展，恒大事件的發酵，所以都係見步行步多。
個人覺得中美是預左，IMPACT漸少，相反，預恒大出事的人少，事出突然，有準備的基金不多，雖然公司澄清了，但持債的不認同，引發大家的恐慌，大跌的確令市場憂慮，不過翻查不少數據，其實暫時還債的情況應該不算緊急，加上最近在本港分拆物管業務及恒大汽車科創板上市，流動性問題得以舒緩，但事件其實唔係咁簡單，非常詭秘，出事日出個簡單澄清應該好快，為何澄清都要咁耐，而挾著「大到不能倒」的公告，又點解會有人信？咁都有人信，皆因整體內房錢一定好緊，你不要看恒大，你睇中海外#688都知事態嚴峻，我唔知件事會否分階段發酵，但有理無理就先走合生創展#754，$18走完一半，$17.4中止賺走多一半，舒服好多。
說到股價上落，猝不及防，鷹君#41亦可見一班，我由頭到尾未買過#41，皆因近250天線，但由17.XX升到21.4，也問自己是否過於謹慎，誰知只係周四周五兩天就跌了14日的升幅，好似細價股般，不可謂不嚇人，按理內房出事，影響不了航空股，但你看看#753國航，#670東航，一個星期多跌兩成，如果唔係個多星期前叫減減減，我又點猜到疫情又有反彈，都很有機會見財化水。手上見財化水的都唔係冇，好似＃1798大唐新能源已經由賺到蝕，雖然手上持股不多，但好似#1798噉都有兩三隻，＃3868/＃6865就係箇中表表，暫只靠對沖所賺利潤頂住。
這邊廂內房風聲鶴唳，老美那邊又大選在即，放不放救市方案，成大選籌碼，消息一大堆，我現在做的是摸著石頭過河，有消息量化到的，游擊一把，積少成多，就好似上周一開暗盤買明源雲#909，粉絲先前有看，都猜得到我對雲有獨鍾，結果無想到$21一天半升到$32，有五成咁多，現階段遊擊一下勝過押注某某長揸，任其升升跌跌主宰，今日都會睇緊#909即市變化，再找機會短炒。
我日前打遊擊的不外乎兩種：1.先前好股，跌了下來等枝像樣陽燭，博下危前機；2.咁差市況仍順勢向上的中型股，炒炒即市。至於幾時先可轉回陣地戰，同佢博過，最低限度要能看清前路，現階段市場信息太詭異，暫不能單靠圖表及基本面就可以知道市場隱藏著的危與機，沒有很肯定的預期, 好容易走錯方向跟不上市場節奏，情願等局勢明朗化再順勢而行，勝算較高，睇嚟唔會好耐，10月初應該有啲端倪了。
士佳說 - 張士佳 舊文
來源 source: http://skycheung.weebly.com