士佳說 - 張士佳 2020年9月29日
【#士佳說 】張士佳：遊擊有甜頭
【#士佳說 】張士佳：遊擊有甜頭
昨日大市氣氛被兩大弱股匯控#5及恒大#3333帶動反彈，我229xx走完，即反彈，純粹好運，反而昨日提到兩大弱股炒即市，就有少少技術，大家估得到我最近唔太like ATMX，因基金經理沽左無耐，咁大市跌唔落，有什麼好炒，有什麼游擊之選，不想夜長夢多，最佳選擇係挾淡倉，起碼一定搵到對手。
匯控9月18日後兩日出兩個下跌裂口，更連續9日未嘗開高，昨日竟然高開，我等佢10幾分鐘都唔回調，我就博佢fill兩gap，我只係買衍生博即市，28.XX博到30.85，fill兩gap已很不錯，結果即日游擊成功，至於平安斥逾3億增持，咪玩喇，三億，三百億就話，變成第一大股東，即係向國際銀行行列道別，親生仔都養唔大，何況你這混血兒，炒炒算啦。
另一隻恒大，精彩及重注好多，看官如有睇尋日，應猜到我有炒#3333的主題，我不是用淡來形容，我用詭異，公告澄清搞咁慢，我又見唔到債有幾突然惡化，然後拆物管及上市，咁大件事就咁快，六大投行又出力支持，我諗住炒，但怕自己一廂情願，所以無AO買，跟住昨日一開市就高開，証實我的懷疑初部落實，開市14.2，我衝入去買，番14.46，我想左唔夠半分鐘，居然由14.2升到14.46，我諗我想岩了，結果單日升到17，共升兩成幾，嚇死人。
兩隻野，前者我無心插柳，後者我有部署，如果後者應該攞金融百花自編自導自演獎，我就應該係最佳影謎，昨日的利錢，算是個獎吧。
不過，如果唔係我個倉較吉，保持打游擊的狀態，開市要顧住自己的持倉，我都無可能咁醒神，前者我炒炒，後者我當大龍鳳，「天能」咁精彩，無理咁快落畫，我等佢回一回，做番枝陰燭先，如再破頂就睇續集。
咁又唔好講到自己睇中曬，明源雲#909我就睇唔中，準備尋日炒多轉，但開出來同恒大走勢完全相反，無信號落手，學生們一睇兩者應該看到兩者差別,我跟番入市法則，唔應該入就唔入，搵個第樣炒。
我昨日全日只炒了五隻，有兩隻係同車相關，#425圖靚有買，睇番資料話同多家銀行訂貸款協議兩億美元，我睇唔關事，先前大市調整，佢都堅挺，我睇回一回，可再上車。
另一隻係加注，車股#2333，有重拾升勢的味道，佢位經理係北京車展話今年目標為出口7萬架車，都唔知關唔關事，市場就幾受落，呢隻我先前都一路有講，識於微事，繼續睇好。
最後一隻，又係呢Ｄ一開就升的PATTERN，但太細隻，就唔在此公開了。
士佳說 - 張士佳 舊文
來源 source: http://skycheung.weebly.com