HEA富專欄 - 郭釗 2020年9月25日
佛山是下個深圳？
自港府放風「港版健康碼」準備就緒，意味中港通關「如無意外」會於短期實行，所謂意外即是第四波疫情，預料大灣區生活圈將會再拿出來宣傳一番。最近收到不少讀者私訊，問我疫情期間，大灣區樓價有冇跌有冇平嘢執，我發現這班人跟崇尚英國樓的人不同，買英國樓是因為愛，買大灣區是因為錢。
不能否定大灣區不少城市的房地產市場，仍有一定的上望空間，尤其有「真政策」帶動的城市，不是開口埋口乜乜科技城航空城那種，早兩年我走勻大灣區九個城市，見過不少高新區除了樓還是樓，沒有工商業帶動，死城一個，但偏偏很多中介及KOL在狂推這些盤，結果收樓後賣唔出租唔去，唯有變成單一用途，只能留作退休用。這不能怪人誤導，賣花讚花香是正常不過，買樓就是有投資成分。沒有作出比較，中介帶他們看哪裡就買哪裡，以為平就係好，怪不得誰。但要睇曬九個城市，對香港人來說是不可能。我時間多而且睇樓係興趣，加上多年海外買樓經驗，睇一個地方的經濟對樓價有沒有刺激不難，有留意本人YouTube或專欄的朋友都知我近年比較睇好深圳和佛山，深圳已爆出，後者可算黑馬。
近日，貝殼研究院發布《2020年新一線城市居住報告》，基於這平台用真實購房成交數據，描繪出中國人口遷徙居住情況，深圳的移民指數第一，東莞第二，佛山第三，但東莞住宅當時港人沒有權購買。另百度的《2020Q2 中國城市活力研究報告》，以全中國計，深圳第一，佛山第八，跑贏成都武漢，值得關注的是，此報告指出佛山外來購房客以廣州人佔比最高，為5.1%，主因是廣佛地鐵相連接，佛山的房價僅為廣州的一半以下，加上廣州的「搶人政策」不停加碼，購房需求難免外溢，佛山照單全收，臨廣地區如桂城、大瀝、北滘、大良等都升以倍計，且已限購，咁，下一區係邊？
作者為《HEA富學》作者，Finsight ED founder
www.finsight-ed.com
https://www.facebook.com/heaology.edu
HEA富專欄 - 郭釗 舊文
來源 source: http://www.am730.com.hk