士佳說 - 張士佳 2020年10月21日
【#士佳說 】張士佳：市不動股在動
【#士佳說 】張士佳：市不動股在動
大市無咩特別好寫，不為寫而寫，但係個股板塊就好多嘢寫，首先焦點回到阿里巴巴身上，中證監復批螞蟻集團於本港上市申請，再加上今年「雙11」將於10月21日啟動預售，比往年多了三天，令阿里#9988股價繼續探頂，我手上有好多其他持貨，所以未買但會買返些看門口；不過亦因螞蟻上市的消息，令大市成交回落至千億之下。正如早前的影片，提及巨無霸來港是有點影響，但又不至於拉低大市。QQ #700因为王者榮耀而繼續表現堅挺，整體表現比美團#3690好。
日日本欄唔叫大家買再生能源，仲話早買就慘了，昨日未開市就話有機，結果隻隻升，福萊特#6865仲升10％，服末？你話否極泰來，唔敢講，但博反彈，昨日係最佳時機，黎緊我會買埋第三大市值玻璃添。
仲有仲有，上星期提晒大家要關注汽車經銷第三巨頭#3669永達，結果前日公布第三季業績，昨日就爆上，又服未？正通#1728有機會有人高價買，中升#881都似會破頂，恆大系亦有動作，恒大 #3333 傳已全額償還40億港元夾層融資及部份美元可換股債券。而恒大舞劍，似在汽車，708啟動四A，目前已在深圳証監局進度備案，陽穿23.55關注。
昨日話炒FIT HON TENG #6088，瑞聲#2018，前者仲有力，後者無入市信號，今日作罷，體育用品李寧就持有，逢頂唔加，有文件指全面加強及改進體育工作，都係指定動作喇。
服裝紡織品也熱起來，印度，斯里蘭卡受疫情重創，申洲#2313國內海外產能釋放,屬於穩中求勝之選，而海外物流，就唔少得#636嘉里的份。
講到市場好似好多股升咁，一DD喇，你睇火鍋四寶獨憔悴，我持有#520呷哺呷哺表現唔太好，真係要博（好博），博海底撈，做不了陰穿52.8，危前機，話明好博，輸面梗係較大喇。
士佳說 - 張士佳 舊文
來源 source: http://skycheung.weebly.com