士佳說 - 張士佳 2020年10月30日
【#士佳說 】張士佳：透露一個方法買到1211呢d爆升股
【#士佳說 】張士佳：透露一個方法買到1211呢d爆升股
前兩日我用「衰唔曬，又好唔得去邊」黎預告我對港股大市的睇法，朋友見到美股道指跌一千都會估我今鋪睇錯了，結果尋日港股回來，不是衰唔曬嗎？一句講晒，愈近大選，外圍愈難攪，愈近11月5日，我地愈唔理外圍。
尋日我輯了很多板塊出來，講手上無再持有的先前熱炒，仲講明除了新能源車，ATM及部份內循環，其他板塊都從高位下跌，而輯出到來的卻沒有新能源車及ATM，梗係喇，呢D我仲持有麻，結果尋日爆咩，咪就係爆比亞迪#1211（新能源車），TM及港交所#388囉，昨日物管&太陽能上番黎，前者我無炒，後者我一早講會上番車，昨日有上，未係充滿信心，都係炒出炒入，至於物管，我未對他們太有信心，因蟹貨都好多。
咁咩股我覺得最有信心，一定係#1211，我講佢都講左好耐，今潮就由$81講到而家，咁點解當時未出業績，刀片電池又未知點，我點知佢會升呢，今日我就講下我揀股既其中一些手法，亦都解釋比D話我「無理由升親都會持有」的口痕友知，有方法架！唔係點會咁多學生跟我上堂，仲介紹朋友上堂呢？#1211就算後來光伏股暴跌，我都不離不棄，到前幾日錄音仲講內地賣車賣唔停，當時又未出業績，我係如何量化呢？我係將一些小質變（飛機）找出來，然後再同大市啊，同業啊，市值啊比較，就會搵到D熱錢將會炒D咩。
全香港多過500億夠大隻又岩我大手入的股有104隻，我再用軟件篩選，到9月份滿足到我上述要求（幾個月5架飛機又剛開始有泡沫跡象）的只有12隻，邊12隻呢？
#268，#388，#700，#868，#881，#968，#1211，#1801，#1810，#2269，#3690，#6098
而9月後，港股不濟，但以上12隻，再在9月後再創歷史新高的竟然有九隻(#868，#3690，#700，#881，#388，#968，#1211，#1801，#2269)
個市咁衰，卻有十二份之九（75%)証明我呢種方法是對，咁大家應該見到，都係我成日同大家講既股，十二隻當中，九月後我無炒#388（尋日預告左開波，結果昨日爆得很多）及#1810（因9月爆得太過份，我在見陰燭前話定比大家知見陰燭會走，結果走$25.7），其餘十隻都有炒，只有1801失手(昨日離場了)，其他九隻爆爆爆上，而最重要的就係未來一個月，我估大市調整，調整過後我猜都仍係炒呢d。
最後其實我咁講咁多嘢，係想話俾大家聽，圖表量化係有啲嘢，圖表係會說話，你只要搵到一個方法，好好運用，好嘅股票係會上門搵你。
士佳說 - 張士佳 舊文
來源 source: http://skycheung.weebly.com