士佳說 - 張士佳 2020年12月16日
【#士佳說 】張士佳：冰火兩重天
【#士佳說 】張士佳：冰火兩重天
雖然昨日公布中國11月工業增加值按年升符預期、零售銷售按年亦符預期，拜登也確認了當選，可是在內地對科技巨頭加強監管下，ATMJ都在下跌，大市昨日走弱，但識揀就好多股票尋日都升得很不錯。到昨晚，美國兩黨有望逹成舒困協議，加上疫苗已向全國各地分發，利好市場氣氛，三大指數升幅都超過1%，納指創新高，蘋果飆半成，但我仍對港大市冇趣，抱著大市會突震心態炒股才可以。
選舉人票終於確認拜登勝選，每次出相關消息，市場都會炒作一番拜登的執政方向。
首先就是清潔能源，主要就是光伏和風電，近期也有不少這方面的利好，我喜歡炒的就是#3800保利協鑫能源，睇返資料，主要炒作題材就是顆粒硅生產工藝取得了重大技術突破，股價亦確認再創新高。而#451協鑫新能源作爲平價光伏發電龍頭，也是極具發展後勁，但市值太細我只係炒即市，另，#6865福萊特玻璃和#968信義光能於收市后有好業務消息，風電方面，我買了些少#658中國高速轉動搏一搏。整體都不錯，不過，我主力仍在3800，但升了咁多，待調一調再破頂才加注。呢個板塊好吸引但係波幅好恐怖，如果又想買又怕俾波幅震走，唔怕慢，可以関注2809中國潔能。另外，講開信義系，幾個月前我講三大系別女性其中一個就係信義，確實升得唔錯，我相信升勢持續，其實其他玻璃都一樣有好嘢，可想而知行業板塊係跑咗出嚟。
其次，拜登還致力於推進和電子煙相關行業，#6969思摩爾國際也順勢炒作了一把，考慮到這個行業的稀缺性和在全球的拓展，如果唔受今日很流行講的社會責任牽制，中線升的機會比跌的大。
汽車股又有新發展，百度BIDU正在考慮生產自己的電動汽車，其實百度早早已經研究自動駕駛技術，我多年前已經看過視頻，所以尋晚二話不說加碼，仲將小鵬淡倉一倂食埋，小注買上，另外，蘋果APPL在美國正籌備建立汽車生產線，目前正與臺積電TSM合作，共同開發自動駕駛芯片, 市場憧憬AppleCar設計亮相, Apple 也大升5%，萍果我冇買，買了TSM，貪佢可以食幾家茶禮。港股方面1211/2333，已入小注，兩者以及1183如見稍為突破，我都會正式上返車。
其實有篩選股票做功課，就不難看得到資金在幾个板塊尋找機會，半新股、網上健康股，汽車、光伏能源等熱門個股炒上炒落，只要減少聚焦走勢偏弱的科技股除了小米，應能保住倉位利潤。仲有好多个股值得留意，留返同学生吹水，今日寫住咁多，一句講曬，大市冷冰冰，了無生氣，我今日會趁高會沽點大市，在對冲下繼續熱炒個股，實行冰火兩重天。
士佳說 - 張士佳 舊文
來源 source: http://skycheung.weebly.com