冰說聰明｜來年染藍新貴初稿（青冰）
恒指改革正進行諮詢，提出五大優化建議，2月將公佈結果，雖然2月係季檢之時，但按恒指公司以往諮詢的慣常做法，新例都會在下次生效，換言之，5月才是真正變革之時。
五大優化中，最重要的是按行業作篩選目標，根據行業分組去挑選，對市值較細的行業龍頭有利，試想
想，日後嚟上市的大市值股，十居其九都同科技有關，唔通隻隻都染藍咩，創科（669）今年累升七成，係卓越表現成份股，但現時市值都係千九億，拍埋其他科字輩仲係輸一截，但在新例下，按行業排隊，類似創科的股票，染藍仲有希望。
成份股亦會增加到65隻至80隻，現時52隻，即係起碼會加13隻，而恒指公司在諮詢文件中亦做了一個模擬測試，含金量極高，間接披露了想加乜股，以65隻目標為例，科技股會加3隻、醫療保健加5隻、公用事業加3隻及非必需性消費加3隻。來年仲有咁多科技股上市，3個位應該會爭崩頭，而醫療保健中，京東健康（6618）、阿里健康（241）、翰森制藥（3692）及平安好醫生（1833）都有較大機會。公用股應會揀上中國燃氣（384）及新奧能源（2688），至於非必需性消費板塊，思摩爾（6969）及海底撈（6862）應該無懸念，戰友可能會問，農夫山泉（9633）呢？唔使緊張，恒指將佢歸類為必需性消費，都會加一隻的，所以亦應非佢莫屬。
而取消上市時間要求，令來年巨型新股有更多捧場客，有直入指數直通車，基金上市首天都唔敢唔追貨啦。至於更改權重就影響有限，騰訊（700）及友邦（1299）的權重按理會下調2%，但恒指公司話新例會在一年內分段做，即係兩巴仙都可能要分幾次，相信影響力點都會少過半個反壟斷消息吧。
有咗這個新貴初稿，揀定幾隻做下年的核心持股，應該好過花時間去估恒指下年睇幾多啊。
青冰
http://www.fb.com/chingbing888
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
冰說聰明 - 青冰 舊文
來源 source: http://hk.news.appledaily.com