李華華Online｜鄭志剛夫妻檔慈善基金 申請「情侶LOGO」表愛意？
鄭志剛（右二）、余雅穎（左二）
華華早前爆料，新世界發展（017）行政總裁鄭志剛（Adrian）近年想提升女性地位，成立咗一間新公司「鄭余雅穎培菁女性創效基金」，由Adrian本人同太太余雅穎（Jennifer）齊
齊擔任董事。華華最新發現，呢間新公司登記咗個logo，用途包括印刷品、商業經營、金融事務同教育等等，似乎準備工作進行得如火如荼。
鄭余雅穎培菁女性創效基金嘅新logo喺一個粉紅色嘅潦草細楷「j」字，好似個無限符號咁，被一個深藍色嘅圓圈包圍，同之前新世界印口罩用「A」字logo似到十足十，唔知係咪一個代表Adrian，一個就代表Jennifer呢？如果真係，華華都覺得呢個「Aj組合」有少少浪漫。
不過，原來新世界口罩上印住嘅「A」字logo，係代表集團品牌Artisanal Movement，至於新註冊嘅「j」字logo，唔通又有其他解釋？無論有心定無意都好，反正都湊埋咗一對，唔知佢地會唔會考慮印「夫妻口罩」呢？
華華八過，基金係想透過創新方式，推動及培訓女性領導能力，從年青少女開始啟發夢想同領導潛能，仲會教育公眾，同鼓勵更多企業聘用女性晉身管理層，提升女性社會地位。
李華華
左圖為新世界口罩包裝，右圖為鄭余雅穎培菁女性創效基金標誌。 -----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
李華華Online 舊文
來源 source: http://hk.news.appledaily.com