士佳說 - 張士佳 2021年2月18日
【#士佳說 】張士佳：昨日的操作
【#士佳說 】張士佳：昨日的操作
期指兩日就衝到31000，升成900點，大家都等北水回來，之後走向留待今日北水重臨定奪。這段熱潮幾時散，無人知，但農曆年這樣的開局，係極少，昨日更是穿頂穿底的OUTSIDE BAR，代表後市極古惑，如短期內能收高，應仲有得去；相反，收低就是回調之時，但這樣開局在港股30年來也沒有，現不宜大注落注呢D統計。
我尋日講過，向大波幅的中細價股埋手，就事半功倍，好多人都仲係炒緊ATM，爸爸升1%，騰訊升1.6%，美團升2%，呢D你放十萬元落去是旦一隻，昨日賺一兩千，一兩千元係咪徙左呢D瘋狂走勢呢？有D人就走去玩衍生，試圖倍大波幅，為了倍大波幅而比人食價是否值得，賺又賺少左，蝕又蝕多左。
我早提大家呢浸炒中細價，大家可能唔信或唔識炒呢D中細價，其實動作唔洗多，我昨日都唔算多動作，大部份我都有同學生分享，比個紀錄你，大家參詳一下。
9:40 我見493國美跌番到2.04，食糊，我前一天未知黃生出獄，見異動1.5買，1.76又加，2.00再加，結果原來黃生出獄，我2.04叫走半，淨識入有咩用，炒呢D要識入識走，好消息要分清楚入定出，呢隻股仲有第二波，我等異動，會再炒過。
10:14 我加注#1516，＃6666，加完一隻升一隻跌，物業管理半新股創新高，反覆上升居多
10:29 加注#1183，呢隻股我由$2.5炒起，不離不棄，佢差唔多無調整，最近仲話實廣州充電，我昨日加注係炒一兩天，今日會食加注部份，至於持有的，等走位信號，學生等「蕉皮型變」再加我教的止賺法，由$2.5到現在未叫走過，但近日新能源車銷售慢左，要收緊一些，用另外的止賺法了，見$6.2樓下走位。
11:03 買#388，雖然我細價股為主，但無話唔買大價股，昨日我就買了三隻大價股，京東擬分拆京東物流上市，新股熱潮係人都知對#388有利，但幾時升，係關鍵，昨日我上述兩隻都有入手，連十世唔升的#386中石化都有買
1:25 我食了半注＃1762，呢隻神奇股，我係見我太太買，再配合自己的訊號買，講開我太太，佢係神奇女俠，醉心基本分析，我就覺得佢「基本唔識」，佢最令人熟識的股份係美圖＃1357，$8買，我叫佢一見$20放，佢唔放，跌到$7佢溝買，＄5又溝，$3又溝，＄2又溝，我最唔贊成人做的，佢做曬，但您又唔好話佢，佢做得好徹底，佢連股東會都去埋，據我所知，散戶得佢一個，相信連蔡文勝李開復都知道有此粉絲，我很喜歡聽佢講的分析，然後再配合自己的訊號做波段炒作，打游擊，我最近＃1357由 $1.5炒上來＄4.3都係咁既操作。
大家又唔好笑佢，佢真係神經刀，由於佢有CONVICTION(你睇#1357都知CONVICTION未必好)，一係贏死，一係輸死，#1762就係咁，無人識時，佢$0.5已上車，到現在不但未走，仲中段加加加，贏左層樓回來，我最近家庭地位有所動搖，好在我都有波段操作呢隻，我都有話比学生聽慢慢歎咖啡，我贏了一倍幾，昨日走位，食一半，唉，不能兩個都放重注落去，呢隻股有機會我同大家分享多D。
昨日最後同學生分享的是9992，呢隻上市以來我只炒了一次，無炒一段日子，昨日見佢一開全日最低，再見佢上我軟件的「加速榜」我97.XX二話不說，盲盒上身，最高107.6，十幾巴仙，個多小時完成。
本來想寫，我每日點炒，但望下個鐘，9:00了，以後再寫。
============
編按:哎，寫漏咗8328同埋2148，寫一句啦，儲電股，雖然我講完升咗三成幾，唔食住照坐，但氣炸鍋我就食糊喇
士佳說 - 張士佳 舊文
來源 source: http://skycheung.weebly.com