渾水專欄 - 渾水 2021年8月16日

渾水專欄 - 渾水 2021年8月16日


渾水專欄│止蝕的藝術（渾水）
渾水專欄│止蝕的藝術（渾水）


新手玩股票，第一個要面對嘅就係止蝕嘅問題。

毫無疑問，我呢兩年係多咗好多新朋友加入投資市場，我諗大概有兩個原因，環球股市真係做得唔錯，尤其是美股，不停破新高。另一方面，加密貨幣市場發展一個非常蓬勃，比特幣亦都上返40,000美元嘅高位。

美股、外匯、加密貨幣免費即時報價，自選投資組合獲取相關新聞提示。

新手玩股票，第一個要面對嘅就係止蝕嘅問題。有時同一隻股票，有人贏錢，有人輸錢，好多時都係投資心態處理唔好。

我諗用武俠小說嘅角度去睇止蝕，相對地比較通俗入口。通常啲新手學劍法，都係跟足劍招有板有眼，去到再勁啲，就是說劍意，即係好似太極劍，再勁啲就好似獨孤九劍，剩係得一啲總訣，無招勝有招。

初哥要嚴守 高手睇心境
如果你係初學投資，建議你定1個percentge提出作為止蝕嘅空間。視乎個人性格同埋風險接受能力，我係可以見到隻股票輸四成都冇感覺，所以我一開始定下自己嘅紀律性止蝕空間係40%，一穿40%就要即刻打靶止蝕。

千祈唔好高估你自己，見到股票輸錢唔敢止蝕認輸，係好符合一般行為心理學，有一個專業名詞形容呢個現象叫做loss aversion。嚴守規律，就係為咗克服呢一種心理障礙。

不過當你去到某一個階段，應唔應該認輸止蝕有時都係要睇有冇其他投資機會，呢度涉及另一個經濟學基本概念，叫做機會成本。如果有另一個炙手可熱嘅投資機會，咁當然係套現搵新股票。

當你炒到咁上下，慢慢會有一種心理機制建立出嚟，咁到時你就唔需要太嚴格執行呢一種規律性操作。你會識得搵更加多股票跌嘅原因，再慢慢衡量自己嘅資產承擔風險，做一個綜合性判斷。去到呢度，就有啲似獨孤九劍境界。

渾水
本欄隔周四刊出
渾水專欄 - 渾水 舊文

本文作轉載及備份之用 來源 source: http://hk.finance.yahoo.com