士佳說 - 張士佳 2021年9月1日
【#士佳說 】張士佳：弱市反彈，買落後股
【#士佳說 】張士佳：弱市反彈，買落後股
昨日我估個市會跌，所以沽D貨先，候低買番，上午先插400點，打算買返些，都未買齊，下午回來就已經變身一樣，由低位反升700點，好彩有睇住，真係睇少陣都會miss左個浪。
上午下跌兩個原因：1) 昨日上午公布的8月官方非製造業PMI急降至47.5，市場本來預期數字係52，算是頗遜預期，2)仍是監管的風險，但茅頭卻不再只是科技巨企，昨日反而輪到金融股的中國平安旗下的房地產相關投資，觸法市場恐慌，而在中午再次表明各項業務經營穩健且守法合規下，市場才鬆一口氣。
而港股回升的焦點再放回科技股，在美團業績表現不錯下，大家又轉移留意其估值吸引，最吸晴是王興財報金句，“其實共同富裕就建立在美團的基因裡”，佢話，「美團」的名字，「美」是要美好、更好，而「團」即是要在一起，「美團」的意思是一起變得更好，絶！
佢股價亦非常給力，如果真係喜歡博美團，回一回遇阻力再上，有見底的機會，不過，見底唔代表大升，市場上咁多嘢買，唔一定要去眾人之地，唯一支持短炒嘅理由係個市好返，反而強勢股不利，弱勢股協助反彈。騰訊都係咁，早一天的遊戲禁令，被不少投行指影響甚微，如新規料對騰訊的盈利只有3%影響，令騰訊幫助大市反彈不少。
尋日係大市跌落去嘅最佳日子，而家咁都唔跌，我估再彈高些唔出奇，如果有淡倉似應收斂，我暫亦停手逢高減持，博炒多一陣，以落後股為主，但就唔敢放大注碼了。
唔知邊啲落後？或者可以留意我提過，但又唔升嘅，唔知算唔算落後呢？
先講我嘅坐艇愛股#175吉利汽車，昨日算強勢，佢發佈股份獎勵計劃，彰顯阿爺話的共同富貴埋念 ，加上旗下極氪完成首輪融資估值達580億元，昨日上午大市跌到咁佢都冇點跌，結果下午大市升返時佢又跟住升，仍未關注嘅，等阻力再破頂可以再跟進。#1211/#2333 前兩日已經講咗，冇新嘅update。
昨日有反彈的終於輪到水泥股；中央話要努力實現全體人民住有所居，不過筆者過早下注水泥，昨日先開始有運到。仲有5G /化肥/本港珠寶零售都係落後左，唔知會唔會彈多啲！
士佳說 - 張士佳 舊文
本文作轉載及備份之用 來源 source: http://skycheung.weebly.com