士佳說 - 張士佳 2021年9月29日
【#士佳說 】張士佳：危機一個一個拆
【#士佳說 】張士佳：危機一個一個拆
前文都講對升市仍未有信心，傳國企買恆大資產，只知升都係純屬反彈，形成低位唔想追沽，等彈先沽，佢又未彈，所以尋日無乜好做，主力炒左點#9988衍生而已。
恆大危機後又來個能源危機，在能耗雙控下暫不改煤炭緊供給，電力的緊張，內地動力煤期貨再急升，更突破每噸1300元人民幣大關，煤炭股急升，兗州煤業股份#1171，政策支持導向，擴大市場採購範圍；加快儲煤基地建設，中煤能源#1898、中國神華#1088都急升，但我唔知幾時又有政策對付，所以都唔敢入，淨係细注入咗易大宗，貪佢在低位，但係30 億市值都唔夠，你夠膽入幾多呢？
而家升晒啲細價野，雖然話限電潮席捲全國20省市，嚴控高耗能高污染行業用電，綠色環保電力當炒；綠色動力環保#1330及中國再生能源投資#987這些，你睇吓個市值，係只係中廣核電力#1816、中廣核新能源#1811呢啲夠大隻先至放心少少，唯有睇吓啲風能設備囉，頭三大都叫做似樣，協合#182 就上個禮拜已經有提大家，或者等金風破頂關注下。
再睇下天然氣，熱潮製冷令天然氣儲量下降、需求增加，加上寒冬臨近，天然氣將成爲最重要的能源替代之一，美國天然氣價格急升至七年半高位，期貨更日內再升9%。相關個股崑崙能源#135，亞美能源#2686都，運送天然氣的航運股中遠海能#1138都全日大升16%，回一回再升的話可能靠譜。
全球正在鬧能源荒，油價接近破頂外，天然氣價格在近三個月升了近一倍，都反映了供不應求的情況。中國限電、英國三分一油站無油，歐洲化肥行業也有減產行動，都是今次能源危機的縮影。就連強勢的光刻機生產商ASML，近日都暴跌，怕的就是怕停產出現。看來是能源推高了通脹壓力，影響到各行各業，以及美債息率的推上，影響不容小覷。
士佳說 - 張士佳 舊文
本文作轉載及備份之用 來源 source: http://skycheung.weebly.com