士佳說 - 張士佳 2021年9月2日
【#士佳說 】張士佳：話左你知弱股會彈，有邊D？
【#士佳說 】張士佳：話左你知弱股會彈，有邊D？
9月首個交易日，指數連續第二日先跌後升，於26000附近爭持，科指再度跑贏。尋日我哋估中淡倉要cover，市仲會升，亦預早講咗俾大家聽，一直強嘅股在大市反彈時會變弱，一直弱嘅股會變強；結果，大家自己睇到，我手上嘅強股，尋日都跌，開市有減，但都減唔得幾多，唯有煲些弱股，幫補返。
我其中煲既弱股有基建，國企混改拉開帷幕，第三季基建項目更會加快推進，基建股有啲乜，唔止有水泥嘅，以下講俾你聽有啲乜：
1）基建大股以中鐵#390表現最好，其次係中鐵建#1186，中交建#1800，但係後尾都做長上影，我嫌佢慢，所以冇參與；
2 ） 波幅較大的有中字重型機械，機會相對比較多。中國重汽#3808，上半年淨利潤同比有增長、物流用車需求穩定，似仲有得彈；另外比較中聯重科#1157的波幅，中期純利同比都係有增長，有21% ，H股估值吸引，也是以250天為目標，應該不能達到，但係附近或者得。
3）建築項目相關的中國能源建設#3996停完抽升，如再出阻力後陽破頂，就唔係反彈咁簡單，到時等吓囉；中國建築#3311呢啲細細隻都好炒，有炒；
4） 當然不少得水泥股亦造好，海螺水泥#914及中國建材#3323升得最靚；
內循環消費板塊亦都蠢蠢欲動，內地推行無中高風險疫情地區，可恢復旅行社及在線旅遊跨省團隊旅遊及“機票+酒店”業務。這對於消費類無疑是利好刺激，同程藝龍#780已經搶升，新秀麗#1910緊隨其後，其實昨日升得都幾全面。
1）餐飲類的有海底撈#6862、頤海#1579、呷哺呷哺#520、奈雪的茶#2150、九毛九#9922及周黑鴨#1458都在底部蠢蠢欲動，似彈多個真係升，短炒無妨長渣冇謂；
2）國潮體育服裝李寧#2331、安踏#2020、特步#1368、波司登#3998繼續盛行，#3306 果日升到21.5，走倒就正，但遲早跑番上來，當中，我最愛波司登；
3）家電日常用品綜合企業，海爾智家#6690、#6993藍月亮、海外嘅有#142第一太平等，呢度我買咗兩隻，其中有隻博私有化；
4）珠寶鐘錶周大福#1929、莎莎國際#178在第二期消費券發放下推動聞風而動；
大市資金仍然是輪動，板塊之間穿梭，在弱市底下，資金傾向受惠國策而又在底部的個股，不過能夠彈幾耐未知，筆者會以部份抄底個股250天線附近為目標打游擊；另，強股捱住先，最多食些少，現階段梗係冇咁易走啦。
士佳說 - 張士佳 舊文
本文作轉載及備份之用 來源 source: http://skycheung.weebly.com