士佳說 - 張士佳 2021年12月14日
【#士佳說 】張士佳：功課
【#士佳說 】張士佳：功課
雖然週末好消息，週一指數高開,，曾有升過300幾點，不過有睇本欄都估到未必可興奮到尾，都話"逢高食些"，除非能陽燭升穿24333"，但位即係位，真係唔易一舉突破，所以有跟策略逢高減，就無懼昨日的獲利盤湧現。
我自己就大部份有跟，但亦有某些股手多沾沾，都要放低些，我有博内地卷商續好，但維持不了陽燭就唯有放左先，我見朝早升市主要是圍繞中央經濟工作會議後總結的延續；首先中央要保證財政支出強度，貨幣寬鬆，又實行股票發行註冊制，內券先前已氣勢如虹，我諗住再斬四兩，可惜唔能够維持，仲未能多打破大部份股票大都上午升下午回的宿命，好在投入唔多，輸三四巴仙走人，衝高回落，暫時都唔炒住。
手上無内房，呢個板塊最壞消息系世茂股債雙殺被恐慌性拋售，影響成個內房氣氛，有份拖低指數，不過，幾隻優質國旗內房股等回穩下出現靚仔陽燭又可能是機會，情形就好似先前炒教育股咁。
另一中央經濟工作重點系開展基礎設施投資並要加快投資適度超前，建材股立即冒起，我買不了咁多，只買了玻璃及建築股，玻璃我只有1108，尋晚舊生聚会問到6865，我都只能够講不過不失，但在這跌多升少的時勢，不過不失似乎唔够;另，看到水泥有勢但冇買，但都冇悔，唔想持貨咁散，好在中國建築#3311都稳，但呢隻炒香港基建多，唔係咁多在內地。
除了水泥，一些老基建工程機械，如#3808中國重汽，中國龍工#3339，中國交通建設#1800，#1157中聯重科都有升，不過，我全部都係觀察住先，太落後唔敢入手。
反而新基建就有些曙光，會議中似放寬無秩序擴張的數碼平台發展，互聯網巨企ATM即時爆升跑出，雲計算大數據5G光纖等去配合，當中包括已經有貨的國資雲浪潮國際#596，繼續持有。
另外，不少得風電光伏等可再生能源發電，綠電、氫能、儲能、光伏、炭中和都係今年耳熟能詳的主題，因為政策未停過扶持。市場反應都係升龍頭，華潤電力#836破頂，中國電力#2380、龍源電力#916，中廣核電#1811等，大家記著點都要有一兩隻造鎮倉之寶，呢啲先前我都同大家講過，不過升咗咁多，現在我就只有新能源了。
還有，要落實推動煤炭清潔高效利用和新能源優化組合；煤炭就揀兗州煤業#1171，半注持有，陽穿$15再关注；燃氣就揀有智慧能源的#1083港華燃氣都破頂了。
講開破頂，創維#751都想試下前頂附近，元宇宙電視繼續給力。
來到電池相關資源股，碳酸鋰概念的中鋁#2068，升得太急，都係要食，不如將資金導向錳，南方錳業#1091，同樣是重要的電池材料，而金川#2362也有很大的鹽鋰礦湖，市場正再度激活這兩隻電材股，兩隻我就只係揸咗前面嗰隻。
寫到好多靚股咁，其實靚嘅7788都喺曬度，唔真係陽穿24333，我都只係逢高沽，等真正突破，先至落實再出手，但到時先嚟做功課就太遲，所以功課就要做定，從近期經濟會議及措施，可觀察及預計到中國開始加碼放水再谷經濟，擴大投資基建、新能源建設、貿易出口及內循環消費等方面為主力。
士佳說 - 張士佳 舊文
本文作轉載及備份之用 來源 source: http://skycheung.weebly.com