全職炒家│識得止賺都好重要（紅磡索螺絲）
全職炒家│識得止賺都好重要（紅磡索螺絲）
除部分核心股票外，一半股票應該靈活走位，寫下賺錢目標，到價就走。
之前同大家分享投資一個長線行為，你賺取企業成長同經濟體發展的錢，所以需要詳細瞭解，因為長時間很難靠市場一時衝動，而價格長期維持。上
星期分享悶悶地贏，一路都好過刺激地輸。今個星期想分享下在波動市中，識得止賺都是一個好方法，最近無論是烏克蘭局勢或者中國房企債務問題都引起不少市場大波動，最大還是聯儲局加息問題，市場如何反應同應對。就算連鮑威爾都不能提供清晰立場同態度，只能用一些雙面解讀句子來應對。
美股、外匯、加密貨幣免費即時報價，自選投資組合獲取相關新聞提示。
市況波動靈活走位
如果用最保守角度，我地應該全部賣曬股票，但是大家會明白宜家是一個高通脹環境，一旦手中沒有優質資產，通脹就會侵害你的購買力，銀紙貶值。所以我上星期就用了適當止賺不貪心應對，如某中資保險股，當時目標自己訂立左大約15%利潤就會獲利，目標時間一年。上星期有幸到左，自己馬上食糊，完全不貪心，如果去到寫文章時候利潤只剩下大約一半。所以我個人覺得今年這麽多消息同波動市，不應該以全部股票都是坐大浪方法，應該因時制宜，除部分核心股票外，一半股票應該靈活走位，寫下賺錢目標，到價就走，保持流動性。市旺要進取啲賺多啲，市況差好難估，唯有寧願賺少啲，保持盈利。倉位永遠保持一定嘅彈性，或者可以畀你喺恐慌時博反彈，至於留幾多就要睇每個人實力而定，有時候不起眼小勝持續做，累積就是大贏。
紅磡索螺絲
80後財務自由全職炒家
fb︰https://www.facebook.com/80hhslc
YouTube︰https://www.youtube.com/channel/UCxgro_A0DhEd_qXb-4_k_gA
本欄逢周三刊出
全職炒家 - 紅磡索螺絲 舊文
本文作轉載及備份之用 來源 source: http://hk.finance.yahoo.com