士佳說 - 張士佳 2022年2月21日
【#士佳說 】張士佳：硝煙煙花 相映成趣
【#士佳說 】張士佳：硝煙煙花 相映成趣
上週地緣政治繼續干擾環球股市，俄烏戰情變化莫測，陷入不和不戰的局面，俄羅斯軍擺出列軍威懾姿態，就烏克蘭加入北約問題跟美國做談判準備，所以美股最受戰情消息影響。道指週五又再跌幾百點，跌破了250天，納指早就破位，標普都跌至250天邊緣，令整個美市弱上加弱。
先前講過25057係關鍵位，所以短線有落，結果位即是位，港股周五開市無點受俄烏戰情影響，上落為主，但2點半左右國家發改委公布要支持受疫情影響行業的文件政策，點名外賣平台要下調服務收費，期指應聲插水，跌過500點，去番24279，向下行，夜期更低見24084。
政策主要想扶持餐飲業紓困，倡外賣平台減費，降低相關餐飲企業經營成本，簡單講說就是要求讓利。直接中槍的當然是美團#3690及擁有外賣平台餓了麼的阿里巴巴#9988，市場先沽為敬，美團誇張到要跌至52周低見182蚊，阿里失了120蚊，同時亦殃及騰訊#700、京東集團#9618及快手#1024都跌吾少。
不過，政策內容其實主要是提及要扶助餐飲、零售、運輸業、航空業及旅遊業，針對的對象為小微企業，它們均是受到疫情重創的行業，扶助措施主要是政府減稅減費，租用國家物業的可免租一段時間而且有得減稅，擴展至小型微利企業和個體工商戶。其實政策是想扶持經濟多過打壓。未知市場是否瞳孔放大了政策對美團的影響，我先前買入咗一注美團，以為自己買得低，點知許跌穿埋，中間做過熊證短線幫鋪下，但而家都係坐緊艇，睇多兩日再算。
另外，銀監會以元宇宙名義進行非法集資，提示風險。騰訊#700已經多日再遭北水沽售，大行下調其今年盈利預測，相關元宇宙個股都受到一定程度影響。要留意騰訊3月業績，是牽動新經濟股上落的關鍵。
政策影響了科技股，但又開通了地產金融。提出上調公積金貸款額度，或是把二套房首付比例在非限購區域從原來的50%降至30%，即幫助內房去庫存，也是保障剛需一族的住房需求。市場的態度表明一切，上星期只有內房股有得升，華潤置地#1109、中國海外#688、萬科#2202、中國金茂#817都升得吾錯，物管都同步跟進。
國內焦煤又創新高，一直居高不下。首鋼資源#639大升，兗礦能源#1171、中國神華#1088等走下位又迅速升番上去，表現連日來穩定。煤炭似乎成為了主流能源地位，而通脹及需求就直接炒起銅，鋁，相對電力而言顯然走得更好。特別提下俄鋁#486星期四破完頂第二日就跌7%，主要是市場擔心俄烏克蘭局勢或美國制裁等影響業務，但戰事又打又唔打咁，都係逢低買比較著數。
外面立立亂，香港又疫情失控，到處限聚，尋晚睇冬奧閉幕，咁多人聚在一起，乜事都冇，放曬煙花，歌舞昇平，相映成趣；冬奧效應，衝喜一下唔出奇，但咁多運動員在一起，作不了假，趁跌買貨，都係圍繞買內地消費最穏，就好似291華潤啤酒，過去7年六月股價都係比寒冷的2月為高，咁啱戰雲密布，如果整個低位，我都會考慮上車；啤酒我冇，但係飲食業我有，既然要美團讓利，買受恵嘅餐飲可能唔錯，當然唔係隻隻買得，求其穩穩陣陣買百勝中國，都涵蓋多個品牌，坐下話知俄烏戰事。
衣家指數好受消息主導，市場亦要時間來消化衆多消息，例如美聯儲的3月加息、地緣政治的緊張、疫情因素影響經濟增長、大國博弈加劇等等。大市仍是望實24000點到25000尼一千點，短線來看，今次吾能夠陽燭升穿25057，等搵到支持會再博多次，至於長線，22xxx，23xxx 及24xxx 都已博左見底，只係到25057 明知係位食下短線，只要注碼控制得宜，唔好太狼，適時走下位，減低成本，打仗都話知佢，那怕執筆時外圍跌緊幾百點，都係先前果句，就算今次博輸，穿埋底，都會搵位博見大底，不到250天線不心熄。
士佳說 - 張士佳 舊文
本文作轉載及備份之用 來源 source: http://skycheung.weebly.com