士佳說 - 張士佳 2022年3月18日
【#士佳說 】張士佳：嚟緊點炒
【#士佳說 】張士佳：嚟緊點炒
昨日約以1000點的裂口開出，成5%咁多都係以往少見，美團 #3690仲誇，高開14%，$160.3，係ATM中最勁，唔理咁多按計劃食左先。全日主要係食同換馬。
升左兩日三千點，無論你又中無中，黎緊都可能唔識做，同你分享吓我的睇法。
連續幾日大落大上，四日跌三千點，兩日彈番晒，就算唔係見左底，時間上也不遠，千祈唔好諗住已經見咗底，見到只腳都唔出奇，今日兩巨頭傾計，梗係做个和諧氣氛，過後再有動作，我估計時間上要消耗兩个月左右，唔會低謎太耐皆因今次很多散戶都係得個睇字，跌到殘的舊貨，彈番三幾成，但大戶可不是這樣，那是大撼大，一定有一班人輸大錢，另一邊則羸多很多籌碼，咁就較難出現拉鋸局面。
尋日收高，收21500附近，按理很好，但我仍在学生群組講自己傾向保守，今次嘅主角係科網股，但昨日全部都係做陰燭，冇理由高位陰燭仲去追，所以一係就食一係就換馬，嚟緊做法要好小心。
第一，指數即係 期指嗰類，要小玩，草木皆兵，波幅太大，大戶都唔知點擺止蝕；第二，將心比心，科網股賺左大大鑊，你都會將子彈轉去一啲未炒嘅地方，嚟緊科網股波幅會收窄，相反，大戶又好散戶又好，投資者食髓知味，見到美團咁大隻都可以兩日升五六成，冇嘢冇可能，大家睇升幅會預期得盡咗好多，又有子彈又重心轉移去較冷門版塊，嚟緊一定係玩尋寶遊戲，有d唔熱門嘅股突然大升，所以尋日大家見到內房股突然間大升，愈醜樣愈美麗，有些升近六成一日，講咗好耐嘅做功課係時候大派用場，就好似尋日內房噉，上晝擺明升，散戶聽見係內房都未必敢買，但下晝就越升越有，即日都夠曬食。
噉升完又隨時到下個板塊，講咗好耐嘅做功課開始大派用場，噉要考慮啲乜嘢呢，第一梗係突然有政策都唔出奇，第二，就係要睇返先前嘅消息，大家睇下科網股同內房股有乜共通點，就係大家都有壞消息，有壞消息比冇嘅仲好，係因為冇壞消息，就冇咗“壞消息消失”這一個爆升原因。噉又唔係一直冇壞消息嘅唔好嘅，不過嗰啲就最多穩陣慢升，唔會突然爆升囉；第三，既然愈醜樣愈美麗，技術上梗係搵一啲先前有香蕉皮流星鎚，好似扮做曬個平臺咁，跟住一嘢跌穿曬個平臺，即係跌到散戶冇曬貨，咁嗰啲貨去曬邊，呢啲貨源歸左邊，咪會突然一爆囉，好似尋日隻明源雲 #909咁，美國隻#KC金山雲升八成，香港隻明源雲做嘅嘢都完全唔同，都可以一日爆四成。不過記住要搵一啲，以前有炒作理由，扮反彈，但突然跌曬落嚟，並唔係嗰啲一蹶不振炒都未炒過嗰啲。
第四，近日梗係要搵啲值博率高，唔中止蝕都會近嘅黎博，唔通你博啲大升咗止蝕鬼咁遠嘅咩，反正都係博尋寶，梗係搵啲錯左止蝕都好近嘅，低風險入市位啦。不過大家就要練就成功率低咗，但一鋪贏大大既心態。
最後講下雀局太太團嘅近況，我估計May Chloe Swan好快就有個表面和平嘅局面，Swan個底唔夠厚頂唔得幾耐，都要搵個落臺階落台，咁佢同Chloe不溜有計傾，做唔做樣畀面Chloe，暫時唔雀戰，噉阿may見到噉樣，唔通會由得呢個和平大奬比Chloe，等佢系麻雀界威威咩，梗係撈返一杯羹，佢都有落曬力咁，佢先至係真正嘅和平大使，總之神又係佢鬼又係佢，所以會好快傾得掂數，不過呢啲都係表面上嘅嗻，邊個係麻雀界抽水大王，仲係喺度暗中較勁，仲越演越烈添。
士佳說 - 張士佳 舊文
本文作轉載及備份之用 來源 source: http://skycheung.weebly.com