士佳說 - 張士佳 2022年4月12日
【#士佳說 】張士佳：芒格減持
【#士佳說 】張士佳：芒格減持
市場繼續發酵上海封城的壞消息，我仔在上海話冇通行証的車休想出行，高速公路上車都冇架，有點像喪屍片的塲景，前所未見，故尋日開市已經算開得高，加上國務院又重提強化反壟斷法律，科網平台又受到政策挑戰，大市低開兼向下走。外圍美股亦弱，原因同港股相似，高通脹熾熱，債息急升，大型科企蘋果AAPL.US受拜登第一項反壟斷政策開始浮現，道指納指同港股一樣由頭跌到尾，期油仲一度大跌超過5%，話主要憂慮中國疫情打擊油需求，同樣是壞消息不斷被發酵。
中國疫情嚴峻成為市場借機做落的時機，問題的確是影響著全球各種供應鏈不順暢，所以尋日文章著墨封控的影響咁多，就是要知道形勢，避重就輕。然我相信封控咁嚴，傳播鏈會被切斷，有危有機，造就他日的報復式反彈。
尋日幾乎所有股都避吾開要跟市跌，基健化肥股同內銀頂得下，小弟居然有幾隻持股創新高，有些還升十幾%，＃1623，＃330思捷，＃546阜豐，有餘未盡，只食一半，等升多十%再算。
壞消息接二連三，芒格減持巴巴，乜唔係唔惗住挃十年就一分鐘都唔好揸咩？今次嘅長線投資非常短，睇嚟爸爸有排都冇運行。
萬綠叢中一點紅，意有一個好消息就出來，內地終於重啟復批遊戲版號的發放。版號發放涉及45款遊戲，名單包含的遊戲公司有心動公司#2400、創夢天地#1119、百度#9888、金山#3888等。
騰訊及網易旗下遊戲卻未見在名單之內，不過相信會是遲早重啟的，遊戲業務增長潛力也有望再增加，騰訊ADR升17蚊、嗶哩嗶哩#9626 升29蚊，網易#9999 等中概遊戲股都有得升，今日開市要留意佢哋股價會否見光死，今日指數唔挾，過兩日跌多些機會大。
除了遊戲，如此淡的氣氛，反造就應其他股炒，就像千年弱股＃330，如果不是市那麼弱，資金脫離主流，它不會如此升極都有；正如尋日講上海封城影響嚴重，但有危自有机，受影響嘅行業，邊隻率先破頂，就邊隻有机會，像晶片受累，＃1385要昅實破頂時，仲有十隻八隻類似，大家做做功課吧！
市場好淡消息交替出現，減息降準仍有憧憬，畢竟中國的寬鬆貨幣政策是確定，所以內銀尤其二線像998近日一直拒絕下跌，現在疫情嚴酷，居民及經濟都正在承受疫情帶來的衝擊，放水係遲早嘅事；但負責官員在下馬，現在疫情陰霾下能見度底，不會貿然在霧天大手出兵，就讓馬兒在江邊不時飲水踱步，養精蓄銳，待路徑清晰再突破之前，耐心等待。
士佳說 - 張士佳 舊文
本文作轉載及備份之用 來源 source: http://skycheung.weebly.com