士佳說 - 張士佳 2022年4月21日
【#士佳說 】張士佳：唔爭氣
【#士佳說 】張士佳：唔爭氣
尋日A股一路向下，港股更不能獨善其身，指數反覆跟跌，而且成交強差人意，反映冇新資金願意進入市場。人行審慎放水，降準後利率無變，可能吾想人民幣似日圓乏值到咁低殘，大市暫跌跌不休就預左，連手持個股齊齊中預先落既止賺盤都唔意外。
好似#330， 升到成支箭，都話個波幅扯到大晒，都同大家講，預咗會回得急，所以走咁大半之餘，落定預設警報鍵，一中我即刻通報我走晒，軟件呢個功能就係咁用。唔代表佢哋會從此散（事實上我仲在留意住幾時入得返），但升到咁多走下位都應該，#2255 一様咁走，但市場憧憬上海等大城市的疫情會有所紓緩，#2255隨時準備入返。
內房都一樣，早買早享受，遲買就要捱波幅，全國銀行間同業拆借公佈，置業按揭貸款市場利率LPR維持不變，又再大出乎市場預料。直接沖擊就是房地產，就是藉口回調的時候，所以反來第一時間急話食半，而家後悔緊點解唔食晒，剩低一半唯有捱下啦？
仲有煤炭資源都一樣，硬食中，皆因國家發改委要稱稳煤炭價格不能哄擡，定價標準不能太貴，近兩日心有芥蒂，小心會有國策出來維護下煤炭價格秩序，但藉口號壓一壓的居多，又好難打破上升趨勢，這連帶其他資源股乘機又回一回。手上有五礦資源#1208，但系出咗消息，在祕魯企業有社會抗議未遵守社會投資承諾，Las Bambas地區將無法維持銅的生產，唔係幾妥，唯有侯反彈離場。
反而#390 比較意外，唔驚國內唔搞基電，本來唔買只係因為驚佢行得慢，點知行得鬼咁快，可惜係下行，一日半日唔理住，整體股票手上唔算多，呢隻坐番上去算。
俄軍攻打烏克蘭的戰事再升級，俄羅斯示威，首度試射新型洲際彈道導彈Sarmat並可携帶核彈頭，普京話係世界最強，戰局的發展對全球資本資產價格市場將產生重大關鍵節點，所以先前叫大家留意uuuu 及ccj 都持續上升，能源核能有價有市，港股嘅就差啲#1164中廣核礦業可以望下，不過都慣咗龍蝦丸冇龍蝦，稀土冇稀土，講係核係咪真係核？等回一回再升，到時炒下無妨長揸無謂。另外，油燃天然氣強勁需求下，中資油燃氣股仲未好貴。根據資料，日前美國天然氣期貨價格升至8.05美元/百萬英熱，較年初價格升近一倍，創逾十三年最高。天然氣相關的自然水漲船高，崑崙燃氣#135，圖表蠢蠢欲動繼續楂住。
上海工廠生產線陸逐投入生產，如Tesla工廠都逐步復工，內銷內需消費股都逐漸反彈。事實上，擴大內需提振消費，才是救經濟的主要重點。除了大消費汽車股，飲料如蒙牛乳業#2319為日常所需、內循環消費率先受棒。至於餐廳業復蘇時間則要較長，要囊括多種類餐廳復甦可以留意下美股YUM較靚, 或者YUMC亦包羅國內餐廳的多類性，或會比單一餐廳反彈得較快。
尋日有個現象，據報道，澳門第一季貴賓博彩收入下降至2020年第三季以來最低，最壞的數據都出埋，賭業博彩逆市企稳，#27銀娛仲升得唔錯，可惜我揸嘅係金莎。早前國內疫情已對五一黃金周不寄厚望，不過，近日似有轉機，澳門旅遊局又配合公布放寬由廣東入境澳門核檢陰性時限由1日到2日，市場期待番會有更多訪澳旅客。
現在內地救疫情為先，經濟似放一旁，美國嗰邊再等機會向中概開刀，京東同爸爸，不停咁搬貨嚟香港，所以上次我話中概彈，唔會買只會沽，我相信難逃一劫，但奇怪港交所都一蹶不振，手上冇持有，一直等緊買，等吓等吓…… 就嚟率先破底，要有革命性嘅突破先至可以了。
士佳說 - 張士佳 舊文
本文作轉載及備份之用 來源 source: http://skycheung.weebly.com