士佳說 - 張士佳 2022年4月4日
【#士佳說 】張士佳：久攻之下
【#士佳說 】張士佳：久攻之下
上星期寫左位即係位，我認為位在22399，週五開市前看得較淡，買了美團熊，估計大市會調整多些，起碼週五都收陰燭啦，都多得學生們，把我從較淡拉回到中性。
開市前的學生投票估陰燭是74.7%，是非常極端的數字，甚為少見，股票市場是對付散戶的，所謂眾地勿站，我在沽，原來站在眾地，根據過住記錄，七成以上猜錯機會較大，即時唔敢咁淡，美團熊得手五成食了些，反為對全日陽燭有期待，最後果然係陽燭，最衰臨尾升太勁，唔敢反手買，否則，應該可以享受夜期兩分鐘升300點的盛宴。
日期臨尾升得勁，應該有春光鴨聞風而至，收市後中概股審計協商話有進展，夜期即時升爆，但輾轉又係收不到22399以上，我沽完又揸，揸完一沽，但都係做短線，長線我講過一而再，再而三，三而竭，現在試22399這個位已經四、五次，久攻必破，有日攻破向上，不足為奇，雖然我唔知調幾多才會向上突破，但上得山多終遇虎，我唔沽了。
唔沽啫，但又未到放手一博的低風險入市位，況且現在大市由消息來主導，搖擺不定，中美磨擦實際不會停，買都會係對冲住來買，買的都是趨勢已成的化肥，建築，醫療，海航空運，煤、油（美股）及燃油氣，一些能夠強於大市的某些內房股等，暫時對象唔多，所以一邊沽會找机會沽些升得差的像港交所#388，在中概被除牌風險下，都冇再受刺激而爆升，仲要跌最多13蚊陰燭，衣家中方讓步似肯配合，中概回流會唔會慢左，事實上港交所都承認自己做唔切，大市咁靜又少了成交量去催化，似乎弱上加弱，等反彈高啲想吼佢為做淡對冲對象。
中概股劇性地可以畀權限美國去查數，是希望buy time。不過，話配合啫，老美又點會放過，怕就怕唔知邊間中概又高危又幾時握有敏感數據，最終會被開刀，難逃被除牌劫數。見夜晚美中概股BIDU BILI PDD 等開市彈得唔錯，但尾市都已經冇乜力水，上次炒過反彈就算，留來高位沽做對冲。
士佳說 - 張士佳 舊文
本文作轉載及備份之用 來源 source: http://skycheung.weebly.com