士佳說 - 張士佳 2022年5月17日
【#士佳說 】張士佳：疍糕vs疍散
【#士佳說 】張士佳：疍糕vs疍散
尋日開市前，心想蛋糕做大，不只兩萬吧，磨刀霍霍之際，見到同學們投票8成估陽，立馬倒抽了幾口涼氣，同学們開市前投票幾準，粉絲實知，不得不加倍審慎，昅實幾隻目標股像#2255，裂口高開，加個即市阻力做buffer先買，等下低啲等下低啲，最後無買；個市最終都陰埋，全日只炒了幾轉即市期指，入了昨日提的#316及#1038，並按計劃出330/1729走位。
話分兩頭，雖然大市一開就差唔多全日最高位，但係跌又跌得唔多，夜期時段又抽返上20,000，托市味道大過夾升，而港股亦都比美股強，唔通咁就係做大蛋糕，但市場人士覺得係大蛋散多啲喎，究竟係蛋糕定蛋散，睇多幾日自有分曉，既然都未知，所以我選擇先出330思捷/1729匯聚走位，先前因優於大市而入，急升過後，近日反落后，仍處高位，所以有食好食，情願陽破高位先再博過。
中央減首置按息下限0.2厘托市，似乎象徵意義大於實質，有啲國內專家推測，如果貸款50萬30年就可以慳2萬，實際幫助唔大，難怪內房唔收貨，#688海外， #1109華潤置地， #2202萬科都有高開但陰燭收。近日內房龍頭走勢都回得深，應該仲有一排悶，暫時唔使急於買住。
市場又擔心，美元超級強勢，央行再減息空間實際有限，否則會加速人民幣外流，所以只能象徵式地減少少息，日後更難多減，憧憬減少，都令尋日大市吾係好升得起的原因。
惡性通脹及俄烏戰爭，使令環球能源和食品供應尤其是玉米小麥供給非常緊缺，印度更禁止小麥出口，國際玉米小麥期貨價格又再爆頂，刺激農業概念。例如中糧家佳康#1610、中化化肥#297，中國澱粉#3838等即時有反應，不過幾隻都未成氣候，係中化肥似可炒下反彈，中線長揸都係揀返美股 MOS.US ，NTR.US等，而最能夠反映國際玉米小麥期貨價格的是WEAT.US ETF，走勢跟得又貼又靚
油價天然氣續升，OXY.US 破頂，巴菲特5月加碼增持兩次，寫文章做節目甚至上堂都講過的都是環球大趨勢股，投資增值必須具備，都是吼著低吸。而暫時AH股油然氣股未有睇頭，因為國內的通脹水平始終未及美國。不過成品油輪需求及海航運價格就非常景氣，中遠海能#1138好在上週有買番，繼續跟到有表現。
另一則消息，阿里巴巴#9988旗下阿里雲與#1310香港寬頻，組成數碼轉型合作夥伴，雙方透過雲端及寬頻通訊合作，支援香港企業在大灣區的業務發展，香港寬頻能夠開拓中國市場，股價即時升了一大棍，值得做功課。
中國要穩經濟大局，加上上海若能如期解封，港股算是企穩到，但指數未來是蛋糕定蛋散，隨了要睇美股反彈的續航力，仲要等睇埋聽日騰訊#700業績，作為科指風向標的動力如何。
士佳說 - 張士佳 舊文
本文作轉載及備份之用 來源 source: http://skycheung.weebly.com