笑到最後｜去中心化就係要靠自己（高明）
笑到最後｜去中心化就係要靠自己（高明）
上星期，主流加密貨幣交易所Coinbase（COIN）表示，如果公司清盤，旗
下客戶持有嘅加密貨幣可能會消失，引發一啲客戶嘅恐慌。
上星期，主流加密貨幣交易所Coinbase（COIN）表示，如果公司清盤，旗下客戶持有嘅加密貨幣可能會消失，引發一啲客戶嘅恐慌。
簡單來講，如果你嘅加密貨幣係擺喺Coinbase可以交易嘅戶口度，咁就會同Coinbase命運捆綁；但係如果你將啲Coins轉去其他cold wallet，咁就唔會有影響。
美股、外匯、加密貨幣免費即時報價，自選投資組合獲取相關新聞提示。
中心化同去中心化，永遠有一條鴻溝，條鴻溝就係靠自己定係靠人哋。簡單如電郵，中心化就係一旦你忘記密碼，你可以重設，中心化嘅系統會畀你重設，代價係你啲原碼數據永遠都掌握喺人哋手上。
去中心化係另一端，如果Coins再成熟啲，每個自己有Wallet嘅人，都可以成為銀行家，每個加密貨幣創始人都係央行行長，所以早排TerraUSD（UST受衝擊失守同美元嘅聯滙，將佢同97年泰銖相提並論實在公道。
留意加密貨幣放喺邊
去中心化，即係你自己搞，由中心化到去中心化，有少少似由香港移民去阿拉斯加：喺香港大部份嘅嘢都要靠人，就連層樓都係地租而非永久業權，業權都係「儲存」喺中央，但係只要畀月費/交租/訂閱，就會提供好多服務，包括管理員、菲傭、港鐵（066）等等；去啲鳥不生蛋嘅地方可能塊地係屬於你，但大部份生活機能都要靠自己。
返去加密貨幣，去中心化最大罩門，係保安問題，一個電話有你成份身家，身邊總有都市傳說：一個Geek仔2010年好信Bitcoin未夠一蚊瞓身，依家部電話有幾十億之類。萬一被人發現，夾去開密碼過數就冇曬。另一個更常見問題係忘記密碼，真係冇人幫到。
至於最初嘅Coinbase帶出嚟嘅問題，就係加密貨幣係一個去中心化脫離傳統監管嘅地方，去到目前都未算太有效管治，如果冇監管又走入中心化嘅交易所環境，獲得所有監管嘅壞處，但係有危機政府都唔會幫你，承受嘅風險仲大過完全去中心化。
加息修正低息及QE嘅扭曲已經持續咗5個月，可以話未完。正常霸權嘢梗係冇問題，但亦要檢視手上資產有冇陷入食曬監管壞處但出事冇人救嘅境地，例如成手加密貨幣放喺人哋交易所，有，就要立即斬倉。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com